Kabanata 196

“Wala ka bang inaasahang bisita, hijo?” rinig kong tanong ni Nanay kay Kleen.

“Wala po...” maagap na sagot ni Kleen bagama't nahihimigan ko ang pagkadismaya.

Pupusta ako, ang totoo'y may hinintay siyang bisita pero hindi dumating. Nasasabi ko ito base sa napansin ko sa mga kilos niya kanina. Halatang may hinihintay dahil panay ang tanaw sa labas at pagcheck ng cellphone. Ako lamang ang nakapansin sapagkat ako lang ang halos wala masyadong ginawa. Hindi ako gaanong nakakilos sa kusina, gustuhin ko mang tumulong dahil inawat ako ni Nanay. Aniya'y bantayan ko na lang nang maigi si Alias na siya rin namang ginawa ko.

Kasalukuyang nagpapatuloy ang inuman nila ngayong oras na ito.

Kaming mga babae ay nakaipon sa living room habang ang kalapit na mesa'y okupado ng grupo ng mga lalaking nag-iinuman. Pinili nilang dito sa loob isagawa ang kasiyahan upang hindi sila makaistorbo sa mga kapitbahay. It's almost midnight and they're still hyping. Kung sa labas nga naman sila tatambay, maririnig an