BILLIONAIRE'S SENSATION CHAPTER 7

SIMON BRIGGS...

"Senyorito!" pag-uulit na pagtawag sa kan'ya ng kung sino mula sa kan'yang likuran. Kinalma n'ya ang kan'yang sarili at nagpakawala muna ng hangin bago umikot para harapin ang tao na nasa kan'yang likuran.

At nakahinga s'ya ng maluwag ng makita na si manang Nadia ang nasa likuran n'ya. Tipid s'yang ngumiti dito at hindi ipinahalata sa ginang ang kan'yang pagkagulat.

"Manang bakit gising pa kayo?" patay malisya na tanong n'ya rito.

"Kagigising ko lang senyorito. Ganitong oras talaga ako nagigising! Teka! May kailangan ka ba? Bakit napasugod ka rito ng ganitong oras?" sunod-sunod na tanong nito sa kan'ya. Lihim s'yang napalunok ng laway at agad na naghagilap ng isasagot sa ginang.

"Ahmmm! Nakakahiya manang Diday, pero ayos na ako. Aakyat na lang ako sa taas, pasensya na kayo sa disturbo," paghingi n'ya ng paumanhin sa ginang at agad na tinalikuran ito.

"Teka lang senyorito! Ano ka ba? Bakit ka mahiya, eh kung may iuutos ka ay ayos lang sa akin. Normal lang na utos