BILLIONAIRE'S SENSATION CHAPTER 11

SIMON BRIGGS...

Hindi pa rin s'ya mapakali sa nalaman n'ya mula sa kan'yang ina at magpahanggang ngayon ay hindi pa rin s'ya pinapatulog ng bagay na iyon.

At hindi n'ya rin mapigilan ang makaramdam ng galit kapag naiisip n'ya na tama ang kan'yang hinala. Nakakaawa ang dalaga kung totoo man ang kan'yang iniisip.

Marahas s'yang bumangon sa kan'yang kama at hinablot ang kan'yang t-shirt na nasa sofa. Isinuot n'ya ito at lumabas ng silid.

Diretso s'ya sa hagdan at nagmamadaling bumaba. Wala ng tao sa buong bahay at sigurado s'ya na tulog na ang lahat sa bahay nila.

Kanina n'ya pa ito gustong gawin ngunit pinigilan n'ya ang kan'yang sarili at pinili na lang na magkulong sa kan'yang silid at magtrabaho para maialis n'ya sa kan'yang isip si Tanya ngunit kabaliktaran ang nangyari.

Mas lalo lang s'ya ginulo ng babae at ngayon ay hindi n'ya na ito makayanan pa. Mas lalo lang sumasakit ang ulo n'ya sa kakaisip dito at sa nangyari sa babae noon. Kailangan na may malaman s'ya mula rito para