BILLIONAIRE'S SENSATION CHAPTER 18

SIMON BRIGGS...

"Tanya!" tawag n'ya sa pangalan nito ng hindi ito nakahuma.

"A-Ahmmmm! W-Wala po! Nasa probinsya po sila," nanginginig ang boses na sagot nito sa kan'ya. Mariin n'ya itong pinakatitigan at pilit na pinag-aaralan ang mga kilos nito.

"Something is not right," lihim na sabi n'ya sa kan'yang sarili. Ramdam at alam n'ya na may mali sa babae ngayon lalo na ng mabanggit ang tungkol sa pamilya nito.

Nagbuga s'ya ng hangin at inisang subo ang natirang sandwich at nginuya. Sinigurado n'ya muna na wala ng natira sa kan'yang kinakain bago inabot ang baso na may tubig at tinungga ang laman.

Agad na inilapag n'ya ang baso at tumayo para ilipat ang tray sa mesa kung saan ito naroon kanina.

"Ako na po senyorito, dadalhin ko na lang po sa baba," awat ni Tanya ngunit hindi n'ya ibinigay ang tray na hawak.

"No! We need to talk Tanya," malamig at may pinalidad sa kan'yang boses. Natigilan naman ang babae at hindi agad nakahuma kaya kinuha n'ya ang pagkakataong iyon na ilagay ang tr