BILLIONAIRE'S SENSATION CHAPTER 26

SIMON BRIGGS...

He didn't let go of Tanya. Hindi n'ya alam kung gaano na katagal na naghinang ang kanilang mga labi.

Ayaw n'yang tumigil lalo na ng mararamdaman na gumaganti na si Tanya sa kan'yang mga halik.

Nasa batok n'ya na rin ang mga braso nito at ang kan'yang kamay naman ay nasa likod ng dalaga at bahagyang pumipisil sa mahahawakan n'ya.

Naging mainit ang kanilang paligid at parang ayaw n'ya ng matapos ang kanilang ginagawa. Ngunit ng maramdaman na parang kakapusin na sila ng hininga ay s'ya na mismo ang kumalas para lumanghap ng hangin.

Pareho nilang habol ang kanilang hininga ng mga oras na iyon. Agad na nagyuko ang dalaga ng magtama ang kanilang mga mata at alam n'ya kung bakit. Nahihiya ito sa kan'ya ngunit hindi n'ya hahayaan na mararamdaman iyon ng babae.

Agad n'yang hinawakan ang baba ni Tanya at itinaas iyon. Nagtama ang kanilang mga mata at napangiti s'ya ng makita, na ang kulay berde na mga mata nito ay puno ng kislap.

"Tanya," paanas na tawag n'ya sa pangalan