BILLIONAIRE'S FATE CHAPTER 67

ABRIELLE DEE...

Nanatili s'ya sa hideout para doon mamalagi hanggang sa makapanganak si Tanya. Gusto n'ya mang umalis ngunit hindi n'ya mahindian si Briggs at nag-aalala din s'ya sa kaibigan dahil alam n'ya sa kan'yang sarili na dalawang bata ang dinadala nito.

Hindi n'ya lang sinabi kay Tanya na hindi lang Niño ang nasa sinapupunan nito kundi may Niña din. At s'ya ang pinakaunang tao na masaya sa biyaya na natanggap ng kaibigan. Magkapareho sila ng mga pinagdaanan ni Tanya kaya agad na nakuha ng babae ang kan'yang loob ng ipakilala ito ni lady D sa kan'ya at itinalaga na s'ya para bantayan ito.

Wala talaga s'yang balak na ipahamak si Tanya dahil ang kan'yang plano kung bakit s'ya pumasok sa grupo ni Donna ay ang makita ang kahuli-hulihang tao na kasama sa pagpatay sa kan'yang mga magulang.

At iyon ay ang ama ni Donna na pinakahuli n'yang pinatay. Matagal n'ya na ding balak na wasakin ang grupo ni Donna dahil nasa listahan din ito ng FBI kung saan ay matagal ng hinahanap ng mga a