CHAPTER 6

THIRD PERSON POV

“Honey, are you okay?” tanong ni Timothy sa kanyang asawa ng tuluyang mawala sa paningin niya ang babae.

“Do I look okay?” naiinis na sagot ni Olivia sa kanyang asawa.

Naiinis siya dahil nahuli niya ang asawa niya na nakatitig sa papalayong likod ng babae.

“Let’s go,” napabuntong hininga na lang ang lalaki dahil sa napansin niya sa kanyang asawa.

“Bakit mo hinayaang maka-alis ang babaeng ‘yon?” naiinis na tanong ni Olivia.

“She’s just a waste of time kaya hayaan mo na lang siya. Ibibili na lang kita ng maraming ganyan,” sabi ni Timothy sa kanyang asawa.

“Sana hinayaan mo na lang muna ako na pahirapan siya. Napahiya ako sa mga tao dito,” galit na turan ng babae.

“Hahayaan kita kung wala tayo sa public place. Naisip mo ba kung ano ang mangyayari kung sakaling may lumabas na video? Masisira ako, tayo. At hindi ko hahayaan ang nais mo. Don’t worry dahil kakausapin ko ang management dito,” sabi ni Timothy.

“Tsk!” asik nito at hindi na lang pinatulan ni Timothy. Naisip rin niya na galit ito dahil sa nangyari sa damit nito. 

Habang nasa daan sila pauwi ay hindi mawala sa isipan niya ang babae. Ang babaeng nakaaway ng kanyang asawa. Sa tingin niya ay nakita na niya ito noon. Hindi lang niya maalala kung saan. Sa tingin niya ay kilala niya ito dahil sobrang pamilyar ang mga mata nito. Sa buong buhay niya ay ngayon lang siya nakakita ng babae na umaayaw sa pera.

Halos lahat ng nakilala niyang babae ay gold digger at hindi umaayaw sa pera ngunit iba ang babae. Pinunit nito ang pera na binigay niya na para bang walang halaga ang isang daang libong peso.

“Honey, are you listening?” tanong ni Olivia dahil napansin niya na parang may iniisip ang asawa niya.

“May sinasabi ka?”

“Wala,” galit na sabi nito.

Hindi na lang ito pinansin ni Timothy at pumikit na lang siya dahil malayo pa naman sila sa bahay nila. Napansin naman ito ni Olivia kaya mas lalo siyang nainis. Muli na naman niyang naalala ang dahilan kung bakit nasira ang araw niya. At may kutob siya na may kakaiba sa babaeng ‘yon. Hindi niya alam kung ano ito pero aalamin niya. Hahanapin niya ito dahil hindi siya makapapayag na ang isang mababang babae lang ang tatalo sa kanya. Nang makarating na ang dalawa sa bahay nila ay hindi siya nito pinagbuksan ng pinto ng kotse kaya naman padabog na lumabas si Olivia.

Dumiretso naman si Timothy sa kanyang office dahil may kailangan siyang gawin. Habang nagtatrabaho siya ay bigla na lang niya naalala ang dati niyang asawa. Hindi niya inaasahan na mamatay ito noong pinalayas niya ito sa bahay niya.

Wala siyang balak na hiwalayan ang babae ngunit nalaman niya na niloloko siya nito. At iba’t-ibang lalaki ang naging kalaguyo nito kaya walang dahilan para pakisamahan pa niya ito. Aminado siya na naging busy siya pero tinapos lang niya ang mga kailangan niyang gawin ngunit mali ang desisyon niya na bumalik.

At ngayon ay may babaeng gumugulo sa isipan niya. O baka hindi lang matanggap ng ego niya na may babaeng kayang tumingin ng diretso sa mga mata niya. Dahil ni minsan ay walang babaeng may lakas ng loob na tingnan siya sa mata.

*******

ZENNARA

Maaga akong gumising dahil kailangan kong magluto ng breakfast para sa mga anak ko. Ito rin ang unang araw ko sa trabaho. Sa totoo lang ay wala akong balak na pumasok sa company na ito pero ang boss ko mismo na si Tiffany Miller ang nagpasok sa akin sa planning department.

Business partner raw niya ito at nangangailangan ito ng pansamantalang tauhan. Dahil sa kabutihan niya sa akin ay nahihiya akong tumanggi. Wala akong balak na bumalik sa Pilipinas ngunit dahil sa trabaho na tinanggap ko ay napauwi ako ng wala sa oras.

“Good morning, mom.” nakangiti na bati sa akin ni Zian.

“Good morning, baby. Kumusta ang sleep niyo?” tanong ko sa kanila dahil ang aga rin nilang nagising.

“Okay naman po, mommy.”

“Mabuti naman kung ganun. Upo na kayo para magbreakfast na tayo. May work na si mommy kaya magbehave kayo dito sa Tita Chena niyo.” sabi ko sa kanila.

“Okay po, mommy. Behave lang po kami ni kuya.”

“Good morning, frenny. Kumusta ang tulog niyo?” tanong sa akin ng kaibigan ko.

“Okay na okay, frenny.” sagot ko sa kanya.

“Ngayon na ba ang first day mo sa trabaho?” tanong niya sa akin.

“Oo, kailangan na agad magwork. Alam mo naman para sa future,” pabiro na sagot ko sa kanya.

“Ako na muna ang magbabantay sa kanila ngayon. Bukas pa naman ang work ko at mamaya na darating ang makakasama niyo dito,” sagot sa akin ng bestfriend ko na si Chena.

“Thank you, frenny. Naiiwan na silang dalawa dahil mabait naman ang mga anak ko.”

“Malambing na gwapo pa,” sabi ng kaibigan ko at kinurot ang pisngi ng mga anak ko.

Masaya kaming kumain ng breakfast pagkatapos ay naghanda na ako para pumasok sa trabaho ko. Nagbook na lang ako ng sasakyan papunta sa TIMR Corp. Medyo malayo ito sa bahay namin pero sa mga susunod na araw ay bibili na rin ako ng sasakyan para gamitin sa pagpasok sa trabaho at para na rin hindi ako mahirapan sa pagbook palagi.

Nang makarating ako sa company ay kaagad na binigay sa akin ang ID ko. At sinamahan rin ako ng HR department papunta sa magiging workplace ko.

“Good morning, Miss Reyes,” nakangiti na bati sa akin ng mga bago kong ka-trabaho.

“Good morning,” nakangiti na sabi ko sa kanila. 

Nagsimula na kaming magtrabaho at masasabi ko na magaling rin talaga sila. Alam ko na maninibago sila sa akin lalo na ako na ang nagpalit sa dati nilang head. Pero nandito ako para gawin ng maayos ang trabaho ko.

Sa unang araw ko sa trabaho ay may mga nakakausap na ako.  Naging magaan ang trabaho ko kasama sila. Masasabi ko na okay naman ang environment ng bago kong trabaho. Maaga rin akong umuwi dahil balak kong pumunta sa grocery para bumili ng mga ibang kailangan namin sa bahay.

Habang nag-ikot ikot ako ay hindi sinasadyang may nabangga ako.

“Sorry,” sabi ko sa kanya at hindi na sana ako lilingon ngunit.

“Tanga ka b—Zennara?” 

Halatang nagulat siya na muli akong makita. Na para bang nakakita siya ng multo sa nakikita niya ngayon.

“Kumusta ka na ….”