Chapter 68: Last wish

KING'S POV

"'NAY, hindi mo ba p'wedeng kausapin si Ayeisha na dalawin na lang niya dito ang mga bata? Bakit kailangang ipasundo pa?”

“Ayaw niya, malamang.”

Marahas akong napabuntonghininga. “Then ako ang maghahatid.”

“Ipapasundo niya raw ang dalawa mamaya.”

“No. Ako na maghahatid.”

“King, lalo lang magagalit sa ‘yo si Ayeisha kapag nagpumilit ka.”

“Eh, ‘yon lang ang paraan ko para makapasok doon, ‘Nay!”

Hindi umimik si Nanay.

“Kapag nasa harapan ng mga bata, hindi niya gagawin ang pagtaboy sa akin.”

“Bahala ka nga. Basta sinabihan na kita, huh? Kasalanan mo kasi ‘yan, pinaabot mo pa sa gan’yan, e.”

“Thank you, ‘Nay.”

Kaagad kong iginiya ang sarili ko sa silid ni Halina at Kalei. Tuwang-tuwa sila nang sabihin kong kasama ako sa pagpunta sa opisina ni Ayeisha. Pero kabado ako sa gagawin ko. Alam kong magagalit si Ayeisha.

Ang sabi ni Nanay, alas singko daw susunduin ang dalawa dito sa bahay namin pero pagpatak ng alas kuwatro ay umalis na kami. Traffic kaya baka abutin kami ng alas sin