Chapter 67: Visitor

KING’S POV

“WALA pa si Ayeisha, Yaya? Ang mga bata?”

"Wala pa po. Pero 'yong dalawa po nasa bahay po ng magulang niyo. Sinundo po nila kanina. Kung p'wedeng doon daw muna sila, e, pumayag naman po si Ma'am Ayeisha nang tawagan ko."

"Gano'n ba. Salamat."

Napatingin ako sa relong pambisig ko pagkaalis ni Yaya. Pasado alas nuebe na pero hindi pa umuuwi si Ayeisha. Hindi naman siguro siya magpapakapagod dahil sa ipinagbubuntis niya.

Kinapa ko ang telepono ko at tinawagan ang nobya pero hindi siya sumasagot. Pagka-ring ay mamatay kaagad.

Hinanap ko sa listahan ang numero ni Elina at tinawagan.

"Ay, may biglaang appointment po out of town, sir. Baka mga apat na araw po yata siya doon pero depende po. Teka, hindi po ba nagpaalam?"

"N-no. Tinatawagan ko rin pero hindi siya sumasagot."

"Mahina po kasi ang signal doon, sir."

Damn! Bakit hindi man lang nagpaalam sa akin? Kahit ba biglaan dapat tumawag pa rin.

Natulog ako nang gabing iyon nang late. Ilang beses kong tinawagan si Ayeisha pero hind