Chapter 64: Check up

AYEISHA

BALIK sa normal ang buhay nang mga sumunod na araw. Pero sa bahay lang muna ako nagtatrabaho. Gusto ko lang mag-spend ng time sa pamilya ko. Inaasiko ko rin si King bago siya pumasok maging ang mga bata.

“Behave, a?” bilin ko sa dalawa nang ihatid namin sa eskuwela.

“Yes, Mommy!” halos sabay na sabi ng dalawa.

Nakangiting hinatid ko sila nang tanaw.

“Ma’am, pasok na po.”

Nilingon ko si Yaya. Bawal nga talaga akong bumaba dahil sa mga nangyari. Pero gusto ko lang silang tanawin hanggang sa pagpasok sa loob ng room nila.

Pabalik na kami nang makatanggap ako ng mensahe. Na-set na raw ang schedule ng check up ko kung saan nagtatrabaho si Tito Ace. Ngayon pa lang talaga ako magpapa-check up sa totoo lang.

Kaagad kong tinawagan si King pagdating sa bahay. Nasa opisina siya ngayon. Ngayon lang din siya nakabalik sa trabaho niya nang maayos kakahanap nga sa akin.

May meeting si King kaya hindi ko siya nakausap. Kaya naman sinalubong ko siya sa labas para sabihin ang balita sa