Kabanata 3 Ang Muling Pagtatagpo

Kinabukasan naman ay nagpunta si Samantha sa trabaho sakay sa Honda Beat na motorsiklo ni Kyle at kasama ito. Isa itong magandang ideya para makatipid sa gastusin at ang university ni Kyle ay siya namang lugar kung saan magtatrabaho si Samantha. Oo, magiging isang guro na si Samantha.

“Gusto mo bang samahan na kita sa loob?” Tanong ni Kyle sa kanya nang makarating na sila at ibinigay niya kay Kyle ang helmet.

“Hindi na kailangan dahil alam ko na kung saan ang faculty office,” sagot niya sa lalaki at mabilis na umiling habang sinasabi niya ito.

Paglingon niya sa campus, bahagya niyang itinaas ang ulo, at tila bigla siyang naguluhan.

‘Sandali lang, bakit pakiramdam ko parang iba ito,’ naisip ni Samantha at biglang nag-alinlangan nang mapansin niyang ang campus ay tila na-renovate. Medyo nag-iba ang mukha nito kumpara sa huling beses niyang pagbisita sa lugar.

Nang mapansin naman ni Kyle ang pagtataka sa mukha niya, agad siyang nagsalita. “Kung hindi mo alam, huwag ka na magpanggap na alam mo. Para hindi ka mawala, hayaan mong—”

“Kyle!”

Hindi na natuloy ni Kyle ang kanyang sinasabi dahil isang matulis na boses mula sa kaliwang diresyon ang bigla na lamang pumutol dito. Sabay na napalingon si Samantha at Kyle para tignan kung sino ito.

Isang magandang babae ang agad na yumakap kay Kyle at mahigpit na kumapit sa kanyang braso nang may paglalambing. Bigla na lamang lumamig ang ekspresyon ni Kyle.

“Ivory,” sambit ni Kyle sa pangalan ng babae habang magkasalubong ang dalawang kilay niya.

“A pleasant morning to you, My Darling Kyle!” masiglang sabi ni Ivory sa kanya.

Bigla namang natandaan ni Samantha ang pangalan na 'yon. Si Ivory ay ang girlfriend ni Kyle, ang babaeng palagi na lamang banggitin ng ina ni Kyle.

“Stop being like this, Ivory,” saway ni Kyle sa babae at pilit inaalis ang kamay nito sa kanya.

Napasimangot naman si Samantha habang pinapanood si Kyle kung paano niya tratuhin si Ivory.

‘Ang babaeng iyan ay girlfriend niya at bakit ang gaspang naman ng trato niya rito? Hindi ba't dapat ay masaya siya na binati siya nang ganoon kalambing?’ ani Samantha sa isip niya.

“Ang harsh mo naman,” sagot ni Ivory habang nakalabi ito at nagpatuloy na may kasamang mahinang tawa. “Pero ayos lang dahil gwapo ka naman.”

Pagkatapos namang sagutin ni Ivory ang boyfriend niyang si Kyle, napatingin ito sa gawi ni Samantha na ngayon ay puno ng pagtataka ang kumikislap sa mga mata nito.

“Kaano-ano ka ni Kyle?” Tanong ni Ivory sa kanya.

“I'm Samantha, a new lecturer in here. I was renting an attic room at Kyle's place,” nakangiting sagot ni Samantha sa tanong ng babae.

Nanlaki naman ang mga mata ni Ivory dahil sa gulat kaya agad niyang binago ang tila walang galang niyang tingin kay Samantha.

“Naku, patawarin niyo po ako, Ma'am,” nakangising sabi ni Ivory.

Ang buong akala ni Ivory ay isa si Samantha sa may balak na agawin si Kyle mula sa kanya ngunit nagkamali siya.

Napangiti na lamang si Samantha kay Ivory.

“Walang problema 'yon at naiintindihan ko ang nararamdaman mo. Bilang girlfriend ng gwapong lalaki na tulad nito ay talagang nagpaalala sa 'yo nang sobra, ha?” biro niya kaya napatawa si Ivory. Nang makita naman ni Samantha kung gaano ito kalambing at malaman na girlfriend ito ni Kyle, muli siyang nagsalita. “Hindi ka ba nasundo ni Kyle dahil ipinasakay niya ako?”

Napaikot naman ang dalawang mata ni Kyle nang marinig ang sinabi ni Samantha.

“Iniisip mo ba na isa akong chauffeur na imamaneho si Ivory araw-araw?” Tanong ni Kyle kaya naman ay sinamaan siya nang tingin ni Samantha upang ipaalala dito na bantayan ang ugali kapag may kasamang babae.

“Nah, it's alright, Ma'am. I've always come here with my personal driver as well as my dad, who always drives to the office every morning,” ani Ivory na sinamahan pa ng isang tawa.

Kasabay niyan, may itinuro ang babae sa isang direksyon, inuudyok siyang tumingin.

Sa direksyon naman kung saan itinuro ni Ivory, nakita ni Samantha ang isang itim na kotse na hanggang ngayon ay naka-park pa rin pagkatapos ihatid ang babae.

Isang lalaki ang pumasok sa loob ng sasakyan at malamang ito ang driver na nagbukas ng pinto para kay Ivory kanina. Nang makita naman ni Samantha ang sasakyan, napakunot ang kanyang noo.

‘Ako lang ba o parang pamilyar ang sasakyan na 'yan?’ aniya sa isip habang nakatitig pa rin sa sasakyan. ‘Bakit parang nakita ko na ito noon…’

Nahirapan si Samantha na maaalala kung saan at kailan niya nakita ang parehong sasakyan na 'yon kaya naman ay napailing siya sa ulo.

‘Bakit mo ba iniisip ang sasakyan ng ibang tao, Samantha? Hindi naman 'yon mahalaga. Mag-focus ka na lang sa trabaho!’ dagdag pa niya at pinaalalahanan ang sarili.

Ibinalik ni Samantha ang tingin kay Kyle at Ivory.

“May fifteen minutes pang naiwan kaya kailangan niyo na pumasok sa mga klase niyo,” suhestiyon niya sa dalawa.

Sumunod naman ang magkasintahan sa sinabi niya na ngayon ay tuluyan na pumasok sa loob ng campus at dumiretso sa kanilang destinasyon.

Nang umalis si Samantha, dalawang pares ng matulis na itim na mga mata mula sa isang lalaki ang kanina pa binabantayan ang bawat kilos niya sa loob ng isang dark-tinted na itim na kotse. Ito rin ang sasakyan na tinitignan ni Samantha kanina lang.

Isang pilyong ngiti ang gumuhit sa bawat sulok ng bibig ng lalaki bago ito magsalita.

“At sinong mag-aakala na magkikita tayong muli dito, Samantha?”