Kabanata 6 Ang CEO Ng Aguillar Company!

Natameme na lamang si Samantha nang tumama ang kanyang mga titig sa madilim na mga mata ni Jared.

At tama, si Jared Aguillar nga ang lalaking iyon. Kahit pa man ilang ulit na kumurap si Samantha, ang pigura na nakaupo sa couch ay hindi maaaring isang pagkakamali lang at siya nga iyon. Hindi ito nag-transform sa isang pusa, sa isang kakaibang nilalang, o kahit mawala na parang bula.

Nang mapagtanto ni Samantha iyon, napasigaw na lamang siya sa kanyang isipan.

‘Papaanong nandito ang lalaking ito?!’

Nagtataka si Samantha kung bakit nasa opisina ng dean ang lalaki. Naisip niya na baka alam na nito ang pagkakilanlan niya. Nangako sa kanya ang mama niya at higit sa lahat, maayos na nagbayad si Samantha para lang mapanatiling pribado ang kanyang seguridad at kaligtasan.

Napatakip na lamang si Samantha sa kanyang bibig.

‘Hindi kaya professor din si Jared dito? Anong klaseng pagkakataon ba ito?’ aniya sa isip.

Samantala, si Mrs. Margaret naman na ino-obserbahan ang mga titig ni Samantha kay Jared, hindi napigilang pagkamalan ito bilang isang pang-romantikong interes. Iniisip niya na baka ang anak ng kanyang best friend ay may paghanga sa lalaki kaya naman ay agad siyang nagsalita.

“Samantha, pumasok ka,” sambit ni Margaret kay Samantha.

Binuksan naman ni Mrs. Margaret nang mas maluwang ang pinto upang bigyan ng oportunidad si Samantha na ipagpatuloy ang kanyang interes kay Jared. Subalit mabilis naman na umiling si Samantha.

“Hindi na po kailangan, Tita. Nagpunta lang talaga ako rito upang ibigay ang regalo mula kay Justine,” sagot niya at iniabot ang regalo kay Mrs. Margaret saka muling nagpatuloy. “Isa pa, kung pumasok ako, baka makakaabala lang ako.”

Ang totoo, ayaw lang talaga niya pumasok dahil nariyan sa loob si Jared.

“Ano ka ba naman! Hindi ka nakakaabala,” ani Mrs. Margaret na may kasamang tawa at nagpatuloy, “Halika, pasok ka na.”

Imbes na kunin ang regalo, hinila ni Mrs. Margaret ang kamay ni Samantha at dinala siya sa loob ng opisina.

“Tita!” gulat na sambit ni Samantha habang nanlalaki ang mga mata nang dalhin siya ng tita niya sa loob ng kwarto.

“Maupo ka rito,” ani Mrs. Margaret at dinala siya nito sa isa sa mga couch na malapit lamang kung saan nakaupo si Jared.

Ngayon naman ay napatingin si Mrs. Margaret kay Jared at saka nagsalita, “Mr. Aguillar, hayaan mo akong ipakilala siya sa 'yo. Ito nga pala si Samantha Madrigal, isa sa mga outstanding na bagong guro na kakapasok lang sa ating faculty.”

Napatitig naman si Jared kay Samantha, ang kanyang madidilim na mga mata ay para bang tinutusok na si Samantha. Ang titigan nang ganiyan ay labis na nagpapataranta kay Samantha.

Hindi lang naman sa inakala niya na si Jared ay isang gigolo sa gabing iyon, ngunit tinakbuhan niya rin ito pagkatapos iwanan ng kaonti. At ngayon, muli silang nagkita sa loob ng campus bilang isang guro at bisita ng dean.

Hindi na alam ni Samantha kung saan niya itatago ang mukha. Napalingon naman siya kay Mrs. Margaret.

“Tita, sa tingin ko ay may importante kayong pag-uusapan. Hindi yata tama na nandito ako,” ani Samantha at ginagawa ang lahat para lang makatakas siya.

Ngunit agad naman na napailing sa ulo si Mrs. Margaret.

“Sam, naaalala mo ba kung paano patakbuhin ng ina mo ang art exhibition program ng faculty, hindi ba?” Tanong ni Mrs. Margaret sa kanya.

Napatango naman si Samantha. Naaalala pa rin naman niya ang programa ng kanyang ina pero nagtataka siya kung bakit nito binanggit ngayon.

Nang makita naman ni Mrs. Margaret ang pagtango niya, napangiti ito at sinabi, “Gusto kong simulan ulit ang programa. Kaya nandito si Mr. Jared Aguillar bilang CEO ng Aguillar Company ay ang isa sa mga sponsor natin.”

‘Oh, isa pala siyang CEO. Mabuti naman at hindi siya professor…’ ani Samantha sa isipan niya.

Ngunit, bigla siyang natuod nang may maisip.

‘T-Teka, CEO!?’ sambit pa niya.

Agad na napatingin si Samantha sa gawi ni Jared, ang kanyang mukha ay nabalot ng pagtataka. Ang lalaking ito na inakala niyang isang gigolo ay isa pala sa mga CEO ng kumpanya sa Pilipinas. Tila gustong hilahin ni Samantha ang kanyang buhok.

Ang pagkamalan ang isang CEO bilang isang gigolo at iwanan ito ng barya, alam ni Samantha na maaaring isipin ni Jared na ininsulto niya ito.

‘Teka lang, hindi kaya gusto nitong gumanti?’ Tanong niya sa sarili.

Napasigaw na lamang si Samantha sa isip at pakiramdam niya ay para siyang mababaliw na.

Habang magulo pa rin ang isip ni Samantha, ang tunog ng isang tao na tumayo mula sa couch ay nakakuha sa atensyon niya at ni Mrs. Margaret. Si Jared ito.

“I guess, you have another visitor, Mrs. Margaret,” sambit ni Jared na nagpapakita na ang presensya ni Samantha ay hindi nito nagustuhan. “Maybe, I should leave now.”

‘Tama 'yan, Jared! Umalis ka na at huwag ka na ulit magpakita pa sa 'kin!’ ani Samantha na gusto pang isigaw ito.

“Sandali lang, Mr. Aguillar…” sagot ng tita ni Samantha na tumayo pa upang pigilan ito sa pag-alis. “Huwag muna kayong umalis dahil hindi pa tapos ang ating pag-uusap.”

Napakunot ang noo ni Samantha nang marinig ang sinabi ng tita niya at nagtataka kung bakit ang matalik na kaibigan ng ina ay pinipigilan ang lalaki sa pag-alis. Habang tumatagal ito, mas lalong nanganganib ang reputasyon ni Samantha. Maaaring sabihin ni Jared ang pangyayari noong gabing iyon!

Ngunit, magagawa kaya ito ni Jared?

Bilang CEO ng Aguillar Company, mas pipiliin nito na protektahan ang kanyang reputasyon. Ang iwanan ng barya lang ng isang babae ay sobrang nakakahiya iyon.

Sa pagpigil ni Mrs. Margaret kay Jared, muli siyang nagpatuloy, “Si Samantha ay isa sa bago nating Fine Arts lecturer. Isa siya sa ma-irekomenda ko na mamahala sa nalalapit nating art exhibition program.”

Natuod si Samantha sa kanyang narinig.

‘Kailan pa ako pumayag na maging parte ng isang art program?’ sambit niya sa sarili.

“Sa mahinahon at responsableng pag-uugali ni Samantha, kasama ang kanyang pambihirang kasanayan sa sining, naniniwala akong siya ang perpekto para sa posisyong ito, Mr. Aguillar,” dagdag pa ni Mrs. Margaret sa lalaki.

Napalunok naman si Samantha. Hindi niya alam kung pakiramdam niya lang ba na parang nagmumukhang isang ina si Mrs. Margaret na walang ibang gusto kung hindi i-promote ang kanyang anak.

Samantala naman, napatitig si Jared kay Samantha, ang kanyang mga mata ay tila nagdadalawang-isip.

“Calm and responsible? It's better to say that she has a free spirit. It's more accurate,” sagot naman ni Jared.

At dahil sa sagot ni Jared, natuod muli si Samantha. Dahan-dahan niyang inilingon ang ulo sa direksyon nito at napilitang bumitaw ng isang ngiti.

‘Anong ibig mong sabihin, Mr. Aguillar?’ Tanong niya sa isip at halata sa ekspresyon niya na ito ang gusto niyang sabihin.

Nang dahil naman sa sinabi ni Jared, nagpagulat ito sa tita ni Samantha.

“Mukhang kilala ni Mr. Aguillar si Samantha, ah?” sambit ng tita niya.

Mabilis na napatingin si Samantha sa tita niya at kay Jared, ang ekspresyon niya ay tila nagsusumamo at umaasa na huwag magsabi ng paratang. Kung lumabas ang scandal kagabi, hindi lang ang career niya ngunit pati na rin ang reputasyon niya bilang anak ng kanyang ina ay masisira sa harap ni Mrs. Margaret.

Nang dahil dito, umangat ang bawat sulok ng labi ni Jared nang mapatingin ito kay Mrs. Margaret.

“We…”

Nanlaki ang mga mata ni Samantha at hindi napigilan ang magtanong sa isip niya.

‘Ano kaya ang gusto niyang sabihin!?’