Chapter 29 - Meredith meet Rita

Tanghaling tapat, bumiyahe si Merideth patungong Santa Catalina kung saan niya matagpuan ang kaibigan na si Rita. Kailangan niyang maka-usap ito upang malaman niya kung ano ang dapat gawin. Pagdating niya sa sentro ng Barangay Masigasig, madali nalang niyang nakita ang bahay ng pamilya nito. Pagdating niya roon, naabutan niyang nakaupo si Rita sa upuan na yari sa kawayan habang naghihimay ng gulay sa labas. Nagulat ito nang makita siya sa harapan ng bahay nito na nakatayo.

"Meredith?"

Ngumiti siya.

"Akala ko nakalimutan mo na ako eh!" kunwari nagtatampo na sagot niya.

Lumapit ito sa kanya saka siya niyakap nang mahigpit.

"Kumusta ka na?"

Pinaupo siya nito at pumasok ito sa loob upang kumuha ng isang basong tubig saka inabot sa kanya.

"Ito okay pa rin naman." matipid niyang sagot.

Nagkwentuhan sila tungkol sa kani-kanilang buhay. Halos pitong taon na rin silang walang balita sa isa't-isa. Sa kanilang barkada hindi siya masyadong malapit kay Riza dahil mas malapit ito sa isa nil