Chapter 133

Sa opisina naman ni Aricella, hindi siya makapali simula noong naghiwalay na sila ng daan ni Igneel. Dahil iniisip niya ang nalaman niya noong hindi siya nasundo ni Igneel.

"Bakit ganyan na naman ang mukha mo? Paiba-iba ka ng mood araw-araw," biglang sabi ni Carlyn nang pumasok siya sa office ni Aricella dala ang kape na tinimpla ng secretary ni Aricella.

Tumingin si Aricella sa kanya ng diretso, "pumasok ba si Lienne?" tanong niya dahilan para kumunot ang noo ni Carlyn, nagtataka sa biglaang pagtanong ni Aricella.

"Narinig ko lang sa dalawa niyang kaibigan na sina Marie ay hindi siya pumasok. May emergency daw nangyari. Why?" tanong ni Carlyn. Nakalapit na siya sa lamesa ni Aricella at nilapag ang kape.

"Thank you," Aricella said. "Wala naman, naitanong ko lang..." dagdag niya pa.

"Hmmm, may ipapagawa ka ba sana sa kanya?" tanong ni Carlyn. Nilapag niya ang hawak niyang folder at kinuha iyon ni Aricella para pirmahan.

"Wala. Naitanong ko lang," simpleng sabi ni Aricella at saka