Kabanata 42

Nang sabihin iyon ni Jericho, tila nagliwanag ang mga mata ni Cynthia at Elizabeth. Ito talaga ang dahilan kung bakit sila nagpunta sa bahay ni Sebastian.

“Hindi ba may pinirmahan noong binigay namin ang bahay at lupa? Nakasaad doon na sa oras na binigay namin lahat ng meron kami doon ay wala na kaming babayaran sa inyo. Anong dahilan at tila nagbago ang mga isip niyo?” malamig na tanong ni Sebastian.

Ngumisi naman si Jericho nang marinig niya ang sinabi ni Sebastian.

“Hindi ko naman alam noong una na mayaman pala ang pamilya niyo na kaya niyong tumira sa ganitong lugar at bahay. Nagsisi ako at pinapawalang bisa ko na ang napagkasunduan natin,” sagot ni Jericho.

“Kapag sinabi mo na alisin ang bisa ng kasunduan ay mawawala na ang bisa nito!?” ani Sebastian sa galit niyang boses.

Noong panahon na 'yon ay 500,000 ang hinihingi ni Jericho kapalit ng kanilang bahay at lupa at sinasamantala niya na ito tapos ngayon namn ay manghihingi sila ng 300 square meter na sukat ng bahay dito sa villag