Kabanata 46

Nang makita ni Isagani ang mga patay na katawan ng mga kasamahan, biglang nabahag ang kanyang buntot. Ang kanyang buong katawan ay nagsimula na manginig sa takot.

Nakita niyang naglalakad na sa direksyon niya ang mga lalaki na ngayon ay nakangisi.

“Gusto mo bang magpakabayani para iligtas ang dalawang maganda? Ito na ang pagkatataon mo, iputok mo na ang baril mo, Sarge!” sigaw ng isa sa dalawang masamang lalaki.

Sumigaw naman si Isagani at saka lumapit sa mga ito. Akmang ipuputok niya na sana ang baril nang bigla siyang lapitan ng mga ito at inagaw sa kanya ang baril saka tinanggal ang mga bala mula doon.

“H-Hindi ito mga ordinaryong tao!” takot na takot na sabi ni Isagani at biglang iniwan sa ere sina Allison at Nicole.

Tila putlang-putla na ang dalawa dahil sa kanilang nakita.

“Sigurado ka ba na ito ang klase ng taong nagligtas sa 'yo noon mula kay Adrien Castro?” ani Nicole at napangisi pa dahil hindi ito makapaniwala sa ginawa ni Isagani.

Napakuyom naman ang palad ni Allison at til