Chapter 5

Nagkakape si Axis nang umagang 'yun at iniisip kung ano ang gagawin niya mamaya nang dumungaw si Abigail sa may bukana ng kusina. Napatigil siya sa paghigop ng kaniyang kape at napatitig sa dalaga. Magulo ang buhok nito at very conspicuous ang itim sa paligid ng mga mata nito. Parang hindi ito natulog magdamag dahil sa hitsura nito. Animo nanlalata ang buong katawan na naglakad ito at naupo sa silya. Laglag ang balikat nito at parang pasan ang pinakamalaking problema sa mundo.

Nang tumingin ito sa kaniya ay ngumiti siya rito. Walang kabuhay-buhay na napatitig lang ito sa kaniya. At pati yata pagkurap nito ay parang tinatamad dahil slow motion pa iyon.

"Magandang umaga magandang, binibini," bati niya. Hindi ito nag-react sa sinabi niya at huminga lang ito ng malalim. Itinulak niya ang isang mug at ang thermos sa harap nito. Pati na rin ang asukal na nakalagay sa maliit na container. "Nagkakape ka ba ng barako? Ayan, magtimpla ka ng iyo," sabi niya pagkatapos ay muling humigop at pinanood ang pagnganga nito. She stared at him in astonishment. Mukhang ang pag-utos niya rito ang humila rito para bumalik ang lumilipad pa rin na isip nito.

"What?" 'di makapaniwalang bulalas nito.

Itinuro niya ang mga nasa harap nito at inulit ang kasasabi lang niya, "wala kang katulong sa bahay na 'to. Kaya bahala kang magtimpla ng kape mo."

Alam na niyang nasanay ito na lahat ng kailangan nito ay inihahanda ng katulong o yaya nito kaya ganun na lamang ang reaction nito nang utusan niya itong magtimpla ng sarili nitong kape. Para itong pinagsakbluban ng langit at lupa dahil sa pamumutla ng mukha nito. Na parang ang sinasabi niya ay tumalon ito sa bangin at magpakamatay.

At sa totoo lang ay gusto niyang asarin ito at makita kung paano ito sumabog 'pag kagigising lang nito. Gusto niyang tignan kung paano siya nito susuplahin. At nang makita niyang lumarawan ang impatient sa mukha nito ay alam na niyang maiirita na naman ito sa kaniya. At hindi siya nagkamali dahil padabog na tumayo ito at nagsalin ng kape sa mug. Her face was so dark. As if she's ready to scratch his face. Ang talim pa ng tingin nito sa kaniya at parang gusto na niyang matawa.

Itinaas niya ang paa at ipinatong sa isang silya pagkatapos ay itinukod ang siko sa tuhod niya. May nakakalokong ngiti na nakapaskil sa mukha niya habang pinapanood ito. Nang makita nito ang ginawa niya ay may kalakasang ibinagsak nito ang thermos sa mesa at kinuha ang mug na may lamang umuusok na kape. Itinaas nito iyon kaya nahulaan na niya kung ano ang balak nito.

"Oh, mainit 'yan," natatawang pigil niya rito. "Kapag binuhos mo sa akin iyan ay malalapnos ako."

"Ang aga-aga ay naiimbyerna ako sa'yo!!" gigil na sikmat nito sa kaniya at nilagyan ng asukal ang kape. "Ang sarap mong turukin ng gunting sa mata! God! Bakit ba ako pinatapon ng magulang ko sa lugar na 'to na nandito ang balasubas na katulad mo!"

Mahinang tumawa siya at tumayo na. Pinagkibit balikat lang niya ang salitang itinawag nito sa kaniya. "Magiging mabait ako ngayon at ipagluluto kita ng ulam na masarap ngayon," saad niya. Binuksan niya ang ref at kinuha ang karne ng manok sa freezer. Naalala niya na may curry sauce siya na pinadala ng kaniyang ina noong nakaraang linggo. Nakonsensya siya kagabi na hindi ito kumain ng hapunan. Baka gutom na ito kaya ang init ng ulo nito ngayong umaga.

"Siguraduhin mo lang na makakain iyang iluluto mo!!" nagbabantang asik nito. "Dahil kung hindi ay ibubuhos ko talaga sa'yo ang niluto mo!"

"Huwag kang mag-aalala dahil masarap akong magluto," saad niya at nilingon ito. "At oo nga pala, pagkatapos nating kumain ay samahan mo ako sa bukid," aniya at nilagay sa tubig ang manok para ma-defrost.

"At anong gagawin ko sa bukid?" mataray na tanong nito. "Pumunta kang mag-isa mo! Anong tingin mo sa'kin? Isang magsasaka na katulad mo!"

Sumandal siya sa lababo at kunwari ay napaisip siya. "Aanihin ko iyong beans na tanim ko at kailangan kong dalhin sa crosstown mamayang hapon. Kailangan ko ng makakasama at tamang-tama na nandito ka."

"What??" sigaw nito at parang nabingi siya dahil sa lakas 'nun. "Y-You want me to work in your field?? No way in hell!!"

Napahaplos siya sa kaniyang taynga. "Dumudugo na ba ang ilong ko?" nang-aasar na tanong niya at hinawakan ang ilong niya. "Hindi naman!" saad din niya kapagdaka.

Hindi malaman ni Abigail kung iiyak ba siya o tatawa siya dahil sa inis. Napapikit siya pinigilan ang sariling tumili. "Wala ka ba talagang maisip na gawin kundi ang inisin ako?"

"Uy, hindi kita iniinis, ah! Ikaw lang ang naaasar sa'kin ng walang dahilan," wika ni Axis. Tinalikuran na niya ito at hiniwa ang karne ng manok. Tumaas ang sulok ng labi niya dahil randam niya ang animo dagger na tingin nito sa kaniyang likod.

Hindi naman siya galit sa dalaga pero ang sarap lang talaga nitong inisin. Lalo na at 'pag nagagalit ito ay lumalaki ang butas ng ilong nito. Magkaganun pa man ay maganda pa rin ito lalo na at wala na itong kolorete sa mukha. Lumabas na ang natural na ganda nito. Manipis ang pinkish na labi nito. Maliit din ang mukha nito. Idagdag pa ang mahahaba na pilik mata nito at ang pinaka-asset nito ay ang kulay gray na mata nito.

She's beautiful ngunit nilagyan na niya ng ekis ang pangalan nito noong sinabi ng kaniyang ina ang ugali nito. He didn't have the patience to understand and babysit a childish woman.

"Naiintindihan ko na kung bakit single ka," animo nang-iinsultong tuya nito. "Walang sinong babae ang nakakatagal sa ugali mo!!"

Tumawa lamang siya at hindi nagkomento. Sinimulan na niya ang kaniyang pagluluto at inignora ang dalaga na alam niyang kumukulo na ang dugo sa kaniya. Hindi rin niya maintindihan ang sarili kung bakit nag-eenjoy siyang asarin ito.

Habang hinihintay na makaluto siya ay humarap siya sa dalaga. Kahit na nahuli niyang nag-middle finger ito sa kaniya ay hindi man lang ito nag-react. Tinaasan pa siya ng kilay at proud na itinaas ang noo. Hindi man lang ito kakikitaan ng hiya. Kababaeng tao ay ginagawa nito iyon sa isang lalaki? He finally understands why his parents want her to be taught. Hindi ito umaakto na dapat gawin ng isang mabuti at kagalang-galang na babae. Kaya kung siya rin ang magulang nito ay baka mas worst pa ang gagawin niyang pagtuturo ng leksyon dito. Baka 'di niya mapigilan ang mapalo ito sa puwet kahit na dalaga na ito.

"At naiintindihan ko kung bakit wala kang boyfriend," aniya at ngumisi. "Because you're a brat! Kung ako lang din ang magkakagusto sa'yo ay umatras na ako at 'di itutuloy na ligawan ka."

Mapang-asar na ngumiti siya at tinalikuran na ito. Ngunit hindi pa rin nakaligtas sa kaniya ang nagliliyab na mata nito dahil sa galit.

Namumula ang mukha ni Abigail sa galit na tumayo siya at iniwan na ito roon. Tinawag pa talaga siya nitong brat? Gayong hindi siya nito kilala at ngayon lang siya nito nakita? How dare him say that right through her face? Tignan lang niya kung hindi ito mahuhulog sa alindog niya. At 'pag nangyari iyon ay hindi niya ito papansinin. Ipapamukha niya rito na hindi niya ito magugustuhan kahit na ito lang ang matirang lalaki sa mundo.

Lumabas siya ng bahay at nagpupuyos ang kalooban na nagpalakad-lakad siya roon. She really wants to punch his annoying face. Paano ba siya mamatagal na tumira sa bahay na ang kasama niya ay ang impaktong lalaking 'yun? Bakit ba kasi sa lahat ng puwedeng pagdalhan sa kaniya ng magulang niya ay ang katulad pa ni Axis? May iba naman siguro silang kakilala rito na mas makakaintindi sa kaniya at maintindihan na hindi siya sanay sa ganitong buhay, 'di ba? Hindi msn lang kinonsidera nito na ito ang unang araw niya sa bahay nito.

Tapos ang gusto pa nito ay tulungan niya itong mag-ani ng tanim nito sa bukid? Anong tingin nito sa kaniya? Hindi siya pumunta sa lugar na 'to para lang pagtrabahuhin siya nito. Gosh! Kahit kailan ay hindi siya pinagtrabaho ng magulang niya ng mabibigat na trabaho. Tapos ito at ang h*******k na lalaking 'to ay uutusan siyang gawin iyon? Ini-imagine pa lang niya ang sariling nasa bukid siya ay parang gusto na niyang mamatay.

Tinignan niya ang malinis at mala-kandilang daliri niya. Ang mahahabang kuko niya na pibnapslinis niya tatlong beses sa isang linggo. Nai-imagine pa lang niyang mapuputikan ang kamay niya ay kinikilabutan na siya.

"Kain na," tawag ni Axis sa kaniya dahilan para mapatalin siya sa gulat. Matalim na nilingon niya ito. Nakasandal ito sa hamba ng pinto at natatawa.

Huminga siya ng malalim bago pumasok at sinadya pa niyang banggain ang braso nito. Napangiwi siya at napahawak sa braso nang masaktan siya. Bato ba ang braso nito at feeling niya ay namanhid ang balikat niya. Tapos ang binata ay wala man lang reaction tanda na nasaktan din ito sa ginawa niya.

Nang nakaupo na sila at nagsimulang kumain ay saka naramdaman ni Abigail ang gutom niya. Kaya naman nakalimutan niya ang salitang diet at naparami ang kain niya. Hindi niya pinansin si Axis na nakangising pinanood siyang kumain.

Nang matapos siya ay malakas siyang dumighay. Pagkatapos ay tinignan si Axis na tapos na ring kumain. Bigla itong tumayo at naglakad palabas ng kusina. She almost wanted to vomit all the food she had just eaten when she heard what he said.

"Hugasan mo ang pinagkainan natin!"

Tinignan niya ang mga pinagkainan nila at hindi na napigilan ang mapaiyak dahil sa frustrations. Hindi siya marunong sa gawaing bahay kaya paano niya huhugasan ang mga ito?

Tumutulo ang luhang isa-isang nilagay niya sa lababo ang mga pinggan, mangkok at kutsara. Pagkatapos ay nagsimulang hugasan iyon. Hindi niya alam kung gaano siya katagal na natapos na maghugas pero ang alam niya ay namamanhid na ang paa niya sa tagal niyang nakatayo.

Namumula rin ang mata niya. Animo pagod na pagod na naupo siya sa silya. Sa isip niya ay kinakatay na niya si Axis sa ginawa nitong pagto-torture sa kaniya. Nang tignan niya ang kamay ay hindi niya uli napigilan ang umiyak. Dahil sa nahirapan siyang maghugas ay naputol ang tatlong kuko niya sa kaliwang kamay niya. Hindi na iyon kasing ganda kanina.

"Buwisit ka talagang Axis ka!!" humihikbing mura niya sa binata.

"Ano na naman ang ginawa ko at minumura mo ako?" wika ng lalaking dahilan ng pagkayamot niya. She glared at him. Tumayo siya at nilampasan ito at nagdadabog na lumabas siya ng kusina. Hindi niya alam kung napansin nito na umiyak siya. Pero sana lang ay nakita nito para makonsenya ito at hindi na siya uutusan na gawin ang mga bagay na hindi niya alam na trabaho.

Pumasok siya ng kuwarto at naupo roon habang sumisinghot. Sana ay bangungot ang nangyayari sa kaniya ngayon pero alam niyang hindi dahil kahit pa kurutin niya ang sarili ng maraming beses ay ito pa rin at nasa kuwarto siya ng bahay ni Axis.