Chapter 50

"Gusto mo bang mag-hike at mag-camping? Mag-o-overnight din tayo roon kung gusto mo," paanyaya ni Axis sa dalaga isang umaga habang kumakain sila. Ito kasi ang naisip niyang gawin nila habang naglolokohan silang dalawa ng babae.

Huminto ito sa pagnguya at tinignan siya. Mukhang interesado ito dahil bahagyang kumislap ang mata nito. "Hike at camping? Saan naman?"

"Hindi ba at nasabi ko sa'yo na may malaking bukal dito na siyang nagsu-supply ng tubig sa buong baranggay? Doon tayo pupunta," tugon niya.

"Really? Of course, let's go hiking!" excited na sumagot ito. Her eyes curved in happiness. "Kukunin ko uli ang camera para magpi-picture ako roon. Gusto kong mag-ipon tayo ng mga memories natin. Tapos babalikan natin kapag matanda na tayo!"

"Sure!" tumatangong saad niya. "Then, ituloy mo muna ang kumain at aayusin ko ang mga dadalhin natin. Hindi naman marami pero kailangan ko pa ring ayusin."

Tumayo siya at akmang lalabas na ng kusina nang nagpahabol ito ng tanong. Huminto siya saglit at