Singko

Bago pa tumunog ang alarm ko ay nagising na ako, dumilat muna ako ng mga 5mins at nagmuni-muni bago ko kinuha yung phone ko sa small table na katabi ng bed ko para ioff yung alarms and to check my messages. Actually masyado pa talagang maaga right now, it's still 7am and my class will start at 9am. Sinadya ko talaga na magising ng maaga dahil mabagal akong kumilos and ayoko malate kasi hindi ko gusto yung nasspecial mention sa gitna ng klase. Inayos ko muna yung kama ko before ako bumaba para magluto ng Breakfast. Pagbaba ko, nakita ko si tita na naghahanda na ng pagkain namin.

"Tita, ang aga nyo po ata gumising at maghanda ng breakfast tulungan ko na po kayo." Alok ko kay tita habang sinasalin nya yung sinangag sa malalim na lagayan.

"Kasi nakikita kita madalas kanang pumapasok ng hindi nagaalmusal, minsan pa pati dinner kinakaligtaan mo. Tungkol ba 'to sa mommy Mara mo?" paguusisa sakin ni tita.

Hindi ako sumagot kay tita at nginitian ko lang siya. Hinawakan nya yung mga braso ko bago nya ako kinausap ulit. "Iha, wag ka sana magtatanim ng sama ng loob sa mommy mo. She just want the best for you, I know na it may sound selfish kasi hindi ka man lang nya ininform muna or tinanong yung opinion mo kung gusto mo ba yung mangyayari pero believe me she's right, mas maganda ang opportunity sa canada why don't you give it a try di 'ba? Malay mo swertehin ka at makatagpo ng Mr.Right mo!" Patawa tawa nyang sabi sakin.

"Pwede ka naman bumisita dito if ever mamimiss mo ang maganda mong tita at ang masarap nyang luto." dugtong pa nya sabay kurot sa pisngi ko at ngumiti. Nginitian ko nalang din pabalik si tita at inisipyung yung mga pinayo nya sakin

Si tita Mar ay pangalawang kapatid ni mommy, panganay si mommy at yung bunso naman nila ay si Tita Ram na ngayon ay nasa Canada rin at doon na nagkapamilya. Si tita Mar lang ang naiwan dito sa bahay nila sa Pinas dahil katwiran nya "there's no place like home". Paminsan-minsan nagbabakasyon si tita Mar sa Canada minsan din sila ang pumupunta dito kaya kahit dalawa lang kami ni Tita dito sa bahay, malaki ang espasyo nito dahil minsanan nagkakaroon ng reunion dito ng magkakapatid kasama na 'rin sina ma at pa, ang lolo at lola ko sa side ni mama.

Sa side naman ni daddy, wala akong gaanong kilala pero sa pagkakaalam ko Lima silang magkakapatid, panganay din si daddy katulad ni mommy. Ang family ni daddy ay nasa Australia at doon na sila nanirahan, bihira lang sila umuwi ng Pinas at ang huling uwi pa nga nila sa pagkakaalam ko ay noong 7years old pa lang ako.

Nawala lang ako sa pagmumuni-muni ng marinig ko si mommy na papasok ng kusina, binati sya ni tita at ganon din sya kay tita. Binilisan ko ang kain ko habang abala silang dalawa sa paguusap para di na ako mahotseat pa ni mommy tungkol sa pagaaral ko sa ibang bansa. Pagkatapos kong kumain ay sumibat na ako agad sa bahay mabuti na lang at busy amg dalawa sa paguusap, mukhang seryoso ang usapan nila at di na nila ako napansin na umalis para pumasok ng school.

Pagdating ko sa school wala pa yung dalawa kaya naman pumunta ako sa tambayan namin at umupo para doon na sila antayin, mas okay na 'to atleast hindi ako late at may oras pa ako para magbasa-basa ng notes. Ilang minuto lang ang nagdaan dumating na yung dalawa na halos magkasunuran lang, lumapit sila sakin at pinakita yung bola ng volleyball na hawak-hawak nila.

"Para saan yan? bat may dala kang ganyan Av?" nagtatakang tanong ni Jaz kay Av.

"Parang di naman kayo magkasabay at di mo alam na may hawak syang bola Jaz." sagot ko naman kay Jaz habang nililigpit yung gamit ko.

"Hoy excuse me! nauna pa ako sainyong dalawa dito. Natagalan lang ako kasi nagkaroon kami ng meeting sa sport's club sakto rin na nasalubong ako ni Ms. Lelouch may P.E raw mamaya kaya inutusan nyako na manghiram tutal dun din naman ako pupunta." pagpapaliwanag ni Av na akala mo nagkekwento kasi with actions pa.

Sasagot pa sana si Jaz sa sinabi ni Av pero tumunog na yung bell ng school namin kaya nagsipasukan na kami sa kanya-kanya naming room. Nagdiscuss yung teacher namin ngayon para sa finals namin ng kaunti lang naman, continuation lang ng topic nya samin nakaraan. Dahil continuation lang naman ng topic yung discussion at compilations of activities, medyo maaga nagdismiss ng class ang aming teacher dahil need din sila sa faculty para mag meeting. Wala kaming 2nd teacher kasi absent daw ito dahil sa biglaang emergency kaya naman binilinan lang kami ng aming adviser na manatiling tahimik dahil ang ibang section ay may klase pa, gamitin nalang daw namin ang oras na ito para punan ang mga kulang namin na activities.

"Inaantok ako gisingin nyo nalang ako kapag kakain na tayo ha." hihikab-hikab na sabi ni Jaz sa amin.

"Teya ako rin inaantok ako pakigising nalang din ha mwa." dugtong ni Av sa sinabi ni Jaz at ngumuso sya sakin.

Dahil wala naman kaming gagawin at kumpleto kami sa mga kailangan na ipasa tinanguan ko nalang yung dalawa bago sila sumubson sa desk ng aming upuan. Sinalpak ko nalang yung airpods ko sa tenga bago nagbasa ng mga notes na sinulat ko galing sa lectures namin sa bawat subject. Walang pumapasok sa utak ko kaya tinigil ko nalang yung pagbabasa at naglaro nalang sa cellphone ko. Dahil sa tagal kong nakafocus sa nilalaro kong bricks breaker, hindi ko namalayan na breaktime na pala namin. Kung hindi ko napansin na naglalabasan yung mga classmate ko ay hindi pa ako titingin sa relo ko.

Kinalabit ko yung dalawa para gisingin sila para sabihinh break time na.

"Hindi pa ako gutom, pwede bang pumunta tayo dun sa mini park? Inaantok pa ako eh." nakangusong reklamo ni Av.

"Sige teya punta na kayo doon sa minipark dadaan lang ako ng canteen para bumili ng makakain habang nakaupo tayo ron, may ipapasabuy ba kayo?" pabirong alok ni Jaz sa amin.

"Burger akin." maikling sabi ni Av habang kumukuha ng barya sa wallet nya.

"Wow ha busog kapa sa lagay nayan?" nangaasar na sabi ni Jaz kay Av.

Inirapan lang ni Av si Jaz bago ibinigay yung pera nya na pambayad sa pinapabili nyang burger. Umiling lang ako nung ako na yung hihingian ni Jaz ng pera para magpasabay ng bili sa canteen kung sakali. Umalis na si Jaz at kami naman ay dumeretso doon sa minipark para doon muna magpalipas ng oras.

Pagdating namin sa park, nilatag ni Av yung karton sa ilalim ng puno at doon humiga. Kinuha ko rin yung ibang karton at inilatag sa tabi ni Av, pagkatapos namin maglatag natatanaw na namin sa malayo si Jaz. Hindi naman kasi kalayuan ang canteen namin sa minipark kaya mabilis lamang sya natapos. Umupo si Jaz sa tabi namin at doon kumain habang si Av ay inubos lang yung burger na pinabili nya bago tumuloy ng tulog. Hindi pa naman ako gutom dahil kumain ako ng breakfast kanina kaya nilabas ko lang yung cellphone ko at nagsoundtrip sa aking airpods habang naglalaro ng bricks breaker.

Sa tagal naming nakatambay sa minipark, hindi namin namalayan na malapit na ang next class namin which is yung P. E, buti na lan g malapit na lang kami sa court na kasi doon daw kami magkikita-kita para sa P. E. Habang nag-aantay ako sa may bench, ang iba sa mga kaklase ko ay nagsisidatingan na. Inaya ako nila Av na tumayo para mag warm up daw pedo tumanggi ako, gusto ko muna maupo at manood sa mga kaklase ko na nagwawarm up din katulad nila Av. Palinga-linga ako sa paligid dahil nawiwili akong panoorin sila at minsan kapag napapadpad malapit sakin yung bola ay napapayuko ako, hindi ako sanay sa ganto huhu.

Pagkadating ng teacher namin, nagsimula na agad kami. Pinagwarm-up kaming lahat bago kami tinuruan ng basic sa volleyball katulad ng receive, serve and toss. Tinuruan din kami kung paano ang proper placements ng kamay. Nag-enjoy naman ako sa aming ginawa kaya naman pare-pareho kaming lahat na pawis. Dinismiss kami ng aming teacher at sinabihan na pepwede na kami umuwi kasi binilinan sya ng aming last subject teacher na wala kaming klase at maghanda na lamang para sa finals.

"Tara cr? palit muna tayo ng shirt grabe pawis ko oh." Pagaaya ni Av samin habang nagpupunas ng pawis.

"Huy ang aga pa! what if gumala tayo after natin magpalit ng shirt?" nakangiting aya ni Jaz na akala mo batang excited habang inaaya kami.

"Pwede naman, pero ampangit naman ng suot natin? jogging pants talaga? umuwi muna kaya tayo at magkita sa central terminal, dalina! sayang naman yung picture spot doon kung hindi maganda ootd ko!" pangungumbinsi ko sa dalawa, agad naman silang sumangayon kaya ganon ang ginawa namin.

Pagkauwi ko sa bahay, si tita lang ang naabutan ko. Naglilinis sya ng sala kaya naman nung nakita nya ako na umuwi ng maaga ay nagtanong sya.

" Oh thrai bakit maaga ata ang uwi mo?"

"Ah tita wala na po kasi kaming klase para sa next subject kaya pinauwi na kami. Magready nalang daw po kami for finals." sagot ko naman sakanya

"Oh ganon ba? osya sige umakyat kana sa kwarto mo" tinuloy ulit ni tita ang paglilinis kaya naman nagsalita ulit ako para magpaalam.

"Ah tita aalis po pala kami nila Av at Jaz ngayon, nag aya po kasi yung dalawa e. Okay lang po ba?" Nakangiti kong tanong kay tita.

"Aba oo naman osya sige magbihis ka na sa taas para di na kayo gabihin." sagot naman ni tita sakin habang pinupunasan yung vase sa sala table.

"Tita si mommy nga pala? wala po sya dito?" pagtatanong ko kay tita. Napansin ko kasing wala si Mommy dito usually kasi lagi lang silang nasa iisang lugar ni tita pag nasa bahay sya.

"Ah wala sya ngayon Thrai, umalis may aasikasuhin lang daw"

Tumango nalang ako at umakyat na sa kwarto para magbihis. After kong magbihis at magayos ng sarili nagpaalam nako kay tita at umalis na dahil andon na raw yung dalawa sa central terminal. Malapit lang naman ang terminal sa subdivision namin kaya mabilis lang ako nakarating.

Mabuti nalang at hindi gaanong traffic kaya di kami gaano natagalan sa byahe, pagdating namin sa MOA naglunch muna kami sa Jollibee dahil nagcacrave raw si Av ng Chicken sa Jollibee. 12:30pm na kami nakarating sa MOA kaya tamang tama lang din na mag lunch na kami.

"Nood tayo sine" aya ni Av habang nagpupunas ng wipes sa bibig nya

"Tara, may bagong movie ata ngayon na romance parang gusto korin!" sang-ayon naman ni Jaz habang nireretouch yung sarili nya.

Sumangayon naman din ako sa dalawa habang inaayos ang sarili ko kasi baka masabihan pa ako ng KJ hmp. Pagkatapos namin, dumeretso na kami sa floor ng cinema para bumili ng ticket at doon na rin kami bumili ng foods. Pinanood namin yung Me Before You dahil sabi ni Av maganda raw to base sa trailer na nakita nya.

Halos isang oras ata kaming nakaupo sa sinehan at hindi na namin naramdaman yung lamig doon dahil pare-pareho kaming naiyak sa movie mas malala nga lang yung itsura ko jusko. Nagpunta kami ng cr pagkatapos at yung dalawa ay tawang-tawa sa itsura ko, paano ba naman kasi halos mamula at mamaga yung mata at ilong ko kakaiyak nakakainis kaya ayoko manood ng movie na ganto kasi mabilis akong maiyak!

"Parang gusto kong mag ferris wheel, maganda yung view don tutal medyo madilim na rin naman kasi 5 na!" aya ni Jaz samin. Sumang ayon si Av dahil gusto nya rin daw matry kaya wala na naman akong nagawa. Mas okay na rin yon para medyo kumalma naman yung mata ko bago magaya yung dalawa na umikot sa Mall.

Pumunta kami sa MOA park kung saan andun yung ferris wheel at bumili kami ng ticket bago pumila. Mabilis lang naman ang usad ng pila kaya naman mabilis lang din kaming nakasakay. Mabuti na nga yon kasi nakakahiya rin pinagtitinginan ako ng mga tao dahil sa mukha ko jusko lamunin na ako ng lupa!!

Pagbaba namin nakayuko akong naglalakad papunta doon sa mga bump car dahil yung dalawa ay gusto raw ulit matry magganon. Nasa likod ko sila at nag uusap ng kung ano habang ako nakayuko dahil nakakahiya yung itsura ko ngayon, sana humupa na yung pula at maga ng mata at ilong ko! Tuloy-tuloy lang ako sa paglalakad at hindi ko namalayan sa sobrang yuko at bilis ko maglakad para makaalis na sa crowd ay nakabunggo ako ng balikat.

“Look on where you we're going, miss. Muntik ng tumapon yung dala-dala ko.” sabi nya sakin ng mahinahon pero halata sa boses nya na nairita sya. Teka familiar yung boses neto ah? Please Lord wag naman sana.

Iniangat ko ang ulo ko para tarayan siya pero parang umatras yung taray ko dahil sa nakita ko.

“Natapon ba? Hindi naman diba, andami mo pang sinasabe.” tinignan kosya para kumpirmahin kung sya ba talaga yon at nakita kong nakatingin din sya sakin kaya naman tumakbo na agad ako. Grabe nakakahiya sya na naman ulit! yung lalakeng nakabunggo ko sa canteen huhu.