Chapter 22.3

NAGKIBIT-BALIKAT NA LANG si Daviana. Piniling manahimik. Hindi niya binigyan ng sagot ang tanong ni Keefer na sa mga sandaling iyon ay nakahabol ng tingin sa kanya. Ipinapakita nito sa kanyang mga tingin na hinihintay niya ang sagot, at binigo siya doon ng dalaga.

“Bakit ayaw mong sagutin ang tanong ko?” pasimpleng sunod ni Keefer sa kanya, hindi pa rin siya pinansin ni Daviana. “Hey—”

Naputol iyon nang malalaki ang mga hakbang ng dalaga na pumasok na sa loob ng restaurant. Pasunod sa tatlong kasama na nasa loob na. Nakalingon sa may pintuan at hinihintay silang dalawa ni Keefer. Walang nagawa si Keefer kundi ang sumunod na rin sa kanya kahit mababakas sa mukha nito na medyo frustrated sa kawalan ng sagot ni Daviana sa bagay na itinatanong niya. Panandalian na itong iwinaglit. Nang tuluyang makapasok ang lahat sa loob ay sinalubong na sila ng dalawang waiter upang e-assist ang mga bagong dating na customers.

“Nagpa-reserve ako dito kanina sa pangalan ni Rohi Gonzales.” walang gatol n