Chapter 53.1

Sa totoo lang ay sobrang kinakabahan siya at isa pa ay na-eexcite siya sa pinaplano nitong gawin lalo pa at bago siya pumikit kanina ay sobrang lapit na ng mga labi nito sa mga labi niya. Ngunit lumipas ang isang minuto ay wala siyang halik na nahintay.

Bigla na lamang siyang nakarinig ng pag-click at narinig niya ang tinig ni Lucas mula sa kanyang tenga. “Ikinabit ko lang itong seatbelt dahil hanggang ngayon yata ay hindi ka pa marunong sa pagkakabit nito, kailangan mo itong matutunan dahil kailangan mo ito lagi.” sermon pa nito sa kaniya bigla.

Akala pa naman niya ay hahalikan na siya nito pero ikinabit lang pala nito ang kanyang seatbelt. Napaka-ilusyunada talaga niya. Ano bang pumasok sa isip niya bakit umasa siyang hahalikan siya nito? Nakakahiya tuloy ang ginawa niyang pagpikit. Biglang namula ang kanyang mukha sa sobrang pagkapahiya.

Nagyuko siya ng kanyang ulo at pagkatapos ay tumitig sa sahig, wala siyang lakas ng loob na salubungin ang mga mata nito.

‘Nakakahiya ka Annie! K