Chapter 54.2

“Tsk, tsk…” sabi nito kasabay ng pag-iling. Lumapit ito sa kaniya at pagkatapos ay maigi siya nitong pinagmasdan. Halos pigil na pigil ni Annie ang kanyang paghinga ng mga oras na iyon.

“Hindi ako makapaniwala na ang katulad ni Henry na mukha ng matanda ay makakapag-anak ng isang napakagandang babae.” sabi nito na may halong panunuya ang tinig.

Nang marinig naman ni Henry ang sinabi nito ay bigla na lamang niyang naikuyom ang kanyang mga kamay dahil sa galit.

“Uulitin ko. Hindi ko kilala ang matandang yan, nagkamali lang ako ng napasukang silid.” muling saad niya at pagkatapos ay tumitig sa lalaking nasa harap niya ng mga oras na iyon. “Kaya kung pwede lang ay paalisin mo na ang mga kasama mo dahil gusto ko ng umuwi.”

“Hindi ko akalaing napakatigas pala ng ulo ng anak mo Henry.” sabi nito at pagkatapos ay nginitian siya at umalis sa harapan niya.

Nang makita niyang lumabas na ito ay sumunod din siyang humakbang upang lumabas na sana ngunit muli na naman siyang hinarangan ng dalawang