Chapter 151.4

“Ate…” sabi ni Cathy mula sa kabilang linya at mukhang umiiyak ito. Hindi na siya nagulat dahil alam niya na tiyak na nagalit si Lucas kay Cathy nang makita pa lang siya nito.

“Sinabi ko na sayo hindi ba? Ang Annie ngayon ay ibang-iba na sa Annie noon.” sabi niya rito. Hindi naman ito sumagot sa kaniya at suminghot singhot lang sa kabilang linya. “Cathy makinig ka sa akin…” sabi niya at inumpisahang sabihin rito ang lahat maging ang inilagay niyang gamot sa loob ng bag ni Cathy.

Pagkaraan ng isa pang oras, natapos na ang piging at halos kakaunti na lang ang mga tao. Nag-utos si Cathy ng isang kasambahay na magpakulo ng isang soup para sa hang-over ni Lucas pero nang ibigay sa kaniya ito ay lihim niyang inilagay ang gamot doon. Matapos niyang mailagay iyon sa soup ay ngumiti siya at naglakad patungo kay Lucas.

Nang lingunin siya nito ay agad itong napasimangot ngunit ngumiti lamang siya rito. “Kuya, pasensiya ka na pero nandito ako para humingi ng paumanhin sayo.” sabi niya rito.

“Mar