Chapter 135.1

Bagama't naoperahan si Lucas ay naging mas mabilis ang kanyang paggaling. Pagkalipas lamang ng dalawang araw ay sinabi ng doktor na pwede na raw itong lumabas ng ospital. Abala si Annie sa pag-iimpake ng gamit nilang dalawa dahil maya-maya lang ay susunduin na sila ni Kian. hindi nga nagtagal pagkatapos niyang ayusin ang mga gamit nila ay dumating na si Kian. inalalayan niya si Lucas hanggang sa makapasok ito sa kotse. Nagdadalawang isip pa siya ng mga oras na iyon na magsalita ngunit sa huli ay naibuka rin niya ang bibig niya. “Uhm Lucas si Kian na lang muna ang maghahatid sayo. Susunod na lang ako mamaya.” sabi niya rito.

“Pupuntahan mo si Greg no?” tanong nito bigla sa kaniya at nang marinig niya iyon ay agad na nanlaki ang mga mata ni Annie at nagulat.

“Paano mo nalaman?” tanong niya rito kaagad.

“Halatang-halata sa mukha mo.” mabilis naman na sagot nito sa kaniya.

Napalunok siya at pagkatapos ay napatitig sa mga mata nito. “Magagalit ka ba kung pupuntahan ko nga siya?” tanong na