Chapter 130.1

Habang naglalakad si Annie palayo doon ay puno ng pangamba ang puso ni Annie ngunit sa kabila ng lahat ng iyon ay pinagsasabihan niya pa rin ang sarili niya na manatiling maging kalmado at huwag mag-isip ng kung ano-ano. Napatingala siya sa kalangitan at nakita niya ang bilog na bilog na buwan kung saan ay napagtanto niya na miss na niya kaagad si Lucas.

Nang makauwi siya sa kanyang apartment ay agad niyang tinext ito at kinamusta. Nang wala itong reply ay muli siyang nagtext rito na nagtitiwala siya rito at hihintayin niya itong bumalik sa kaniya. Pagkahiga niya ay halos hindi siya nakatulog ng maayos dahil sa pag-iisip. Idagdag pa na wala siyang natanggap na reply mula kay Lucas dahil alam niya naman na mahigit sampung oras ang byahe nito papunta sa ibang bansa.

Sa kabila ng puyat niya, pinilit pa rin ni Annie na bumangon upang makapasok siya sa ospital. Umaga pa lang ay sobrang busy na niya kaya halos wala din siyang pahinga, hanggang sa nakatanggap siya ng tawag at ipinapatawag da