Chapter 130.3

Pagkababa ng taway ay unti-unting napadausdos si Annie mula sa kanyang kinauupuan patungo sa sahig at pagatapos ay niyakap niya ang kanyang sarili at napaiyak. Mabuti na lamang at tuluyan na niyang naibaba ang tawag dahil baka kung hanggang sa mga oras na iyon ay magkausap pa rin sila ni Lucas ay baka hindi niya na matiis pa na hindi maiyak sa harap nito. Mabuti na lang din at lunch time na ng mga oras na iyon at siya na lang ang naiwang mag-isa doon.

Kung sana naroon lang ito sa harap niya ng mga oras na iyon ay sasabihin niya rito ang nangyari sa kaniya at kung gaano siya katakot pero dahil nga nasa ibang bansa ito ay hindi niya masabi-sabi dahil anong magagawa nito kung sakali? Idagdag pa na kararating lamang nito doon kaya ayaw niyang mas lalo pa itong mag-alala sa kaniya. Ayaw niya na maging pabigat siya rito.

Sa totoo lang ay nalulungkot siya na wala ito sa tabi niya ng mga oras na iyon dahil sino ba naman ang may ayaw na nasa tabi nila ang taong mahal nila lalo na at ganun pa a