Chapter 24.4

Wala siyang nagawa kundi ang sagutin na ang tawag nito. “Kailan ka ba uuwi?” tanong nito sa kaniya.

“Ngayon pa lang ang libing ng lola ni Alexa at baka bukas na ako ng madaling araw makabalik.” walang emosyong sagot niya rito.

Ilang sandali pa ay narinig niya rin naman kaagad ang tinig nito mula sa kabilang linya. “Bakit ba kailangan mo pang manatili diyan nang matagl? Halos ilang araw ka na ring pabalik-balik diyan.” sabi nito sa kaniya.

Dali-dali naman siyang sumagot rito at hindi na inisip pa kung tama ba o hindi ang sagot niya. “Syempre ay namatay ang lola niya at sobrang lungkot niya kaya kailangan ko siyang alalayan.” sagot niya rito.

“Bakit kailangan na ikaw pa ang umalalay sa kaniya? Wala ba siyang magulang? O mga kamag-anak?” tanong nitong muli sa kaniya.

Napabuntung-hininga na lamang siya dahil sa dami nang tanong ng ama. “Napakalungkot din ngayon ng kanyang ina at halos hindi niya rin maalalayan si Alexa. Ang mga kamag-anak naman nila ay halos wala din namang pakialam sa ka