Chapter 24.3

Pagbalik ng dalawa sa bahay ay tanghali na at kumain lang sila sandali. Pagkatapos nilang kumain ay magkahalong pagod at antok ang naramdaman ni Alexa kaya dali-dali siyang pumasok sa kwarto at naghubad ng kanyang damit upang umidlip sana sandali. Nitong mga nakaraang araw nga kasi ay hindi siya nakapagpahinga ng maayos dahil sa sobrang lungkot niya. Sumunod din si Noah sa kaniya at pagkatapos ay hinubad nito ang suot nitong amerikana at inilagay ito sa upuan na nasa tabi ng kama at pagkatapos ay dali-daling tumabi sa kaniya.

Mabilis siyang nagsalita upang pigilan ito. “Huwag ka dito sa tabi ko matulog. Tatlong araw na akong hindi naliligo kaya tiyak na mabaho na ako.” sabi niya rito kahit na alam niyang hindi naman talaga siya mabaho dahil naghuhugas at naglilinis pa rin naman siya ng kanyang katawan. Wala namang pakialam si Noah sa sinabi niya at pagkatapos ay mas lumapit pa sa kaniya upang amuyin ang kanyang ulo.

“Hmm, medyo maasim-asim nga.” sabi nito sa kaniya. Dahil doon ay med