Chapter 11.4

Nang lumingon si Parker sa pinto ay nakita niya doon si Alexa na palabas na ng mga oras na iyon. Dahil rito ay dali-dali siyang tumayo upang habulin ito. Mabuti na lamang at naabutan niya rin naman ito kaagad at mabilis na hinawakan ang braso nito. “Alexa, teka lang.” pigil niya rito dahil palabas na nga ito at pagkatapos ay mabilis na hinawakan ang balikat nito upang paharapin sa kaniya.

Samantala sa pagkakataong iyon naman ay doon eksaktong napatingin si Noah sa pinto kaya nakita niya na hinawakan ni Parker ang balikat ni Alexa.

Bigla siyang napaisip sa ginawa ni Parker ngunit nang maisip niya ang naabutang tagpo kanina sa pagitan ni Lily at ni Noah ay naisip niya na mas masahol pa ang mga ito sa kaniya. Hindi na lamang siya nagsalita at nagpahila na lamang kay Parker hanggang sa makarating sila sa harapan ng mga ito. Sa tatlong taon nilang pagiging mag-asawa ni minsan ay hindi siya nakipag-away rito at hindi siya nagsasalita kapag nagagalit siya pero ngayong malapit na silang magh