Chapter 43 - Regrets

Ilang saglit lang ang nakalipas ay mga armadong kalalakihan naman ang sumunod na pumasok mula sa pinto ng mansyon. Tulad nga ng sinabi ng security personnel ay mga nakabonet ang mga ito. Makikita ang takot sa mga mata ng mga bisita maging ang buong pamilya Alanis.

Anong nangyayari? Sino sila?

Sa puntong iyon ay palihim na napangisi si Richard. Oras na para pagbayaran nina Luke at Dwayne ang ginawa nilang ito sa kanya.

Samantala, hindi alam ni Luke kung bakit tila pamilyar ang hubog ng katawan at tangkad ng nasa unahan ng mga armadong kalalakihan. Wala itong anumang dalang baril o armas kaya ipinagpalagay ni Luke na ito ang lider ng grupo. Mapapansin din ang dulo ng buhok nito na bahagyang nakalagpas sa suot nitong bonet.

Naniningkit ang matang tiningnan ni Luke ang mga kasamahan nito. Naka-bonnet man sila ay sigurado si Luke na sina Malcov iyon. Anong ginagawa nila rito at bakit mga armado sila? Nandito ba sila para sa pamilya Alanis?

Napabaling ang tingin niya kay Richard. 'O bak