Chapter 42 - Truth Behind

Sa sobrang takot ay halos maihi na si Richard sa kanyang pantalon. Si Dwayne Lacson itong may hawak sa kwelyo ng kanyang damit, isang 7th dan black belter, hindi kung sino lang na basagulero.

"M-Mr. Dwayne, please calm down. Hindi namin—"

Natahimik nalang si Theodore nang balingan ito ni Dwayne ng masamang tingin.

"Magbibilang ako ng lima. Kapag hindi ka lumuhod at humingi ng kapatawaran kay Mr. Cruise sa lahat ng ginawa mo sa kanya ay ako mismo ang magiging kamay at paa niya para ilabas ang sama ng loob niya sa'yo. Naiintindihan mo ba ako?" maawtoridad na wika ni Dwayne kay Richard. Hindi mapigilan nina Theodore na kilabutan, lalo na si Richard.

Bakit ito ginagawa ni Dwayne? Bakit mas importante si Luke kaysa sa kanya? Hindi ba dapat mas pinaglilingkuran siya nito dahil sa ang pamilya Gregory ang tumulong dito para maitayo ang kanyang dojo?

"I-I'll do it! I'll do it!" nanginginig ang boses na bulalas ni Richard.

Sa kabila ng kagustuhan niyang sumbatan si Dwayne dahil sa kapangahasan