03

Bumalik na ako sa loob para tapusin ang mga ginagawa ko. Chineck ko rin ang mga bagahe ni Sir kung napasok na ba ito sa tinutuluyan niya.

Pumunta muna ako sa itaas para tignan kung maayos naba lahat. Sa ikatlong palapag ay isang greenhouse. Sa loob nito ay mga pinag-iingatang mga tanim. May swimming pool rin at isang upuan na ginawa bilang duyan.

Chineck ko ang bawat sulok kong malinis naba ito. Pumasok pa ako sa greenhouse para isa isahin ng tingin ang mga halaman. Mabuti nalang at lahat ay ayos na, nadiligin na lahat.

Bumaba ako sa ikalawang palapag, malaki ito. At bawat kwarto ay talagang chinecheck ko. Mabuti nalang at maayos talaga silang maglinis dito. May isang pinto na lock kaya hindi ko na pinasok baka andun si Sir.

Bumaba na ako at bawat hagdan ay tinitignan ko kung malinis ba. Nang makababa ay gumala ulit ako sa kusina, sala, library, work-out room at storage room. Malinis naman lahat.

Lumabas na ako para I check ang mga ginagawa ng mga ilan sa kasamahan ni Tatay. Nagagawa naman nila ng maayos at kahit papano maaliwalas tignan ang paligid.

"Kleian, tawag ka ni Sir." Tawag ng isang kasamahan ko kaya agad akong bumalik papasok sa mansyon.

Pagkapasok ko naabutan ko siya sa dining area na may kaharap na laptop at mga papeles. May suot siyang glasses, siguro pang proteksyon sa mata niya. Naka grey V-neck shirt na siya at kulay itim na short. Pumunta ako sa harap niya at agad niyang napansin iyon.

"Coffee, please." Sabi niya, nalilito naman akong napatingin sa mga kasamahan ko. Ang dami nila dito pero talagang pinatawag niya ako. Hindi naman sa ayaw ko pero seryoso ba!? Ang dami namin dito oh.

"Coffee, please." Sabi niya ulit at ngayon tinignan na ako. Nagmadali naman akong pumunta sa coffeemaker para ipagtimpla siya.

Mabilis lang akong nagtimpla kaya naman nilagay ko na sa table. Tinikman niya iyon gamit ang kutsarita. Napatingin siya doon at tinulak papalapit sakin ang coffee.

"Masyadong

mapait, more sugar." Utos niya na agad ko namang sinunod.

Bumalik ako at nilahad ulit sa kanya. Tinikman niya at ganon parin ang reaksyon nkya.

"Too sweet." Angal niya ulit.

Ewan ko kung nanadya ba siya, nakakainis na. Pero dahil anak siya ng amo ko tinitiis ko nalang.

Magtitimpla sana ako ng panibagong kape ng bigla ulit siyang nagsalita. Pansin kong pati mga kasambahay ay napapansin ang inaakto niya. Binigyan ko lang sila ng 'okay-lang-ako-look'.

"I want juice." Aniya habang sa laptop niya parin ang tingin. Agad ko namang binuksan ang ref. Nagsalin ako sa baso ng orange juice at nilahad sa kanya.

"Too sweet, pineapple please." Ani niya, napahinga ako ng malalim at pinapahaba ang pasensya ko habang siya naman ay pinapahaba ang sungay niya!

Naglahad ako ulit ng Pineapple juice sa harap niya. Nagtipa tipa pa siya bago niya kinuha ang baso at ininom. Napangiwi siya at binalik sakin ang baso.

"Apple juice." Sabi niya kaya napairap kong binuksan ang ref. Lahat ng juice ay nilabas ko. Nilagay ko sa harap niya kaya napatingin siya sakin. Naglagay rin ako ng mga baso sa harap niya. 

Iniisa isa ko ang juice sa pagsalin sa baso dahil sa inis ko. Nakangiti parin ako habang nagsasalin dito. Gulat niya akong tinignan pero agad nag bawi at napalitan ng malamig na ekspresyon.

Nang matapos ako sa ginawa ko. Tumuwid ako ng tayo sa gilid niya, nilingon niya ako kaya ngumiti lang ako.

"I just realized I need milk than these." Turo niya sa mga sinalin ko sa baso. Nanlaki ang mga mata ko, seryoso ba siya!? Sana po ay hindi ako mawalan ng trabaho pag ako ay di na nakatiis.

Nahilot ko ang sentido ko at nagpatulong na ayusin ang mesa. Kumuha ako ng gatas para salinan siya sa baso pero bago ko pa mabuhos iyon ay sinarado niya ang laptop niya at inayos ang mga papeles at tumayo na.

"Later ko nalang yan iinumin." Aniya at tinalikuran na kami. Napaawang ang labi ko sahil don. Nanadya talaga ang isang to! Nakakainis! Bwesit talaga!

Malalim na buntong hinanga ang pinakawalan ko. At inalok ng juice ang mga kasamahan ko, Sayang naman kung itatapon ko ito. Bwesit talaga siya! Super!

Pasalamat ako at tanghali hanggang hapon ay hindi siya bumaba, dahil siguradong hindi ko mapipigilan ang sarili ko. Bwesit talaga!

Pinahatiran ko lang siya ng kakainin niya. Nagbihis na ako sa maid's quarter. Ng pauwi na ako ay chineck ko lahat bago ako tuluyang umalis. Sinugurado ko na mahatiran siya ng pagkain.

Kahit ganoon siya ay rerespetuhin ko siya dahil siya ang anak ng boss ko. Kung pwede nga lang lagyan ng nakakamatay na lason ang pagkain niya, gagawin ko talaga.

Sabay kami ni Tatay na lumabas pero pinauna ko na siya dahil dadaan pa ako sa papaldahan ng pera. Dahil nga magpapadala ako kay Kuya.

Na itext ko na sa kanya ang napadala ko, pati ang code tsaka kung saan ko pinadala. Habang naglalakad ako pauwi medyo dumidilim na. Bigla akong nakatanggap ng tawag kay Kuya.

"Sayo ba itong pera?" Bungad niya sakin. Batid kong nakuha na niya.

"Oo Kuya." Sagot ko naman.

"Naku, sana hindi nalang pala ako nanghingi. Madami na akong utang sayo bunso." May pagkapahiya ang boses niya.

"Anong utang ka diyan, may sinabi ba akong ganoon. Hayaan mo na kuya at tulong ko iyan sayo." Ani ko at narinig ko ang buntong hininga niya.

"Kinuhaan mo ba ang inipon mo para sa pag-aaral?" Tanong niya naman. Nasa labas na ako ng bahay at di pa pumapasok.

"Hindi, may naiwan pa akong pera sa isang alkansya ko. Iyon yung mga raket

raket ko." Sagot ko naman sakanya.

"Nangingisda ka parin?" Tanong niya ulit. Alam kong papagalitan ako nito pero ayaw ko namang magsinungaling. Paniguradong kukulitin niya rin ako kung saan ko kinuha ang pera.

"Oo Kuya, hindi naman ako tumigil." Sagot ko sakanya habang sinisipa sipa ang maliliit na bato sa paanan ko.

"Diba sabi ko saiyo! itigil mo na iyan. Magpahinga ka rin minsan bunso! Dapat nga ikaw andito at ako diyan naghahanapbuhay." Ayan nanaman siya sa mga pinagsasabi niya. Minsan sinabi niya sakin na nakokonsensya dahil nga dapat ako doon. Bunso daw ako at babae pa pero kung ano ano ang trabahong pinasok ko.

"Eto nanaman tayo, Kuya ano ba. Okay lang ako, alam ko naman na itong sakripisyo ko ay may maidudulot na maganda sayo." Nakangiti kong usal na animoy makikita niya.

"Kleian naman, hay... Basta sabihin mo sakin kung hindi mo na kaya. Pupunta ako agad diyan at magpapalit tayo, ikaw na mag-aral." Napabuntong hininga lang ako.

"Kuya okay lang ha, hindi na kailangan. Kaya babye na! Magluluto pa ako ng hapunan namin." Nagpaalam na ako sakanya at pumasok na sa loob ng bahay. Nilagay ko ang bag ko sa upuan at nakita ko ang nakataklob na ulam sa mesa kaya ininit ko nalang ito para makasave rin kahit papano.

Inaya ko na sila Nanay na kumain. May nilahad si Nanay sakin na pera kita ko sa balde ay wala na itong laman. Mahigit dalawang libo ang binigay niya sakin. Hinati ko naman ang kita at binigyan si Nanay ng isang libo.

"Sayo na nay, pagdagdag sa mga gastusin natin dito." Sabi ko sabay tiklop sa kamay niya para kunin ang pera. Nilahad niya pabalik sakin.

"Sayo na anak, eto naman oh. Pandagdag mo iyan sa ipon mo."  Umiling iling ako habang nakangisi.

Ginigiit na sakanya lang ang pera, wala siyang nagawa kaya binulsa niya nalang. Nagdasal kami bago kami nagsimulang kumain.

"Dumating pala ang anak ni Sir Timoteo no?" Biglang sabi ni Tatay. Naalala ko tuloy ang ginawa niyang pambe-bwesit kanina. Talagang na bwiset ako. Hindi ko namalayan na masyado ko na palang natuhog ang kawawang gulay. Mabuti nalang at hindi napansin nila Nanay.

"Rinig ko ay hindi mo daw siya pinapasok agad kanina nak?" Nagtatakang tanong ni Tatay habang si Nanay ay nakikinig lang samin.

"Wala naman ho kasing nakasulat sa listahan ko na dadating siya." Paliwanag ko naman. Napatango tango lang sa Tatay.

"Gwapo ang batang iyon at parang mabait pa." Ngi, gusto kong magsagawa ng rally laban sa anak ng amo ko! bakit pa siya naging anak ng amo ko!? Anong mabait don!? Ha!? ANONG.MABAIT.DON!?

"Hmm, parang mabait, so hindi pa sigurado." Sagot ko naman kay Tatay. 

"Gusto ko siya." Napatingin ako kay Tatay. Ha!? Hanudaw!?

"Hindi ko siya gusto!" Sabi ko at nilapag sa hugasan ang pinggan ko at umalis sa hapag. Naalala ko nanaman ang pambe-bwesit niya sakin.

Hindi ko talaga siya gusto!