Chapter 2

Habang nasa byahe kami ay sobrang tahimik. Hindi ko alam kung bakit bigla akong natameme sa sinabi ng lalaking ito. Yung awra niya kasi sobrang nakakatakot at sobrang nakakakaba. Feeling ko kapag nagsalita pa ako at nagkulit, baka biglang palabasin ako sa sasakyan or worst, bawiin niya yung dalawang milyon! Nagastos pa naman ng manager ko yung 500,000 before ako pumunta rito. Kaya talagang wala akong takas dito dahil bawas-bawas na yung milyong binayad niya sakin.  Napahinga ako ng malalim sa frustration. Parang iba talaga yung napapansin ko, baka mamaya gagawin akong sex slave nito at kikidnapin ako tapos ililibing ng buhay kapag napagsawaan! Jusko, lumalalim na yung imagination ko. Hindi ko na keri!

“Are you okay? Para kang namumutla?” napalunok ako sa tanong niya. Nailing naman ako sa kanya at napalabi. 

“Uh–huh…? Hi-hindi ah, ahhh ano… nagtataka lang kasi ako, akala ko kasi doon tayo mag-aano sa hotel, bakit parang lumalayo yata tayo?” 

“Mag-aano?” Nakunot noo naman siya habang nagmamaneho pa rin.

Mukha siyang nagtataka. Nakakahiya kayang sabihin ang word na magsesex kami. Parang ang dating eh ako ang desperada, siya nga yun eh kasi nagbayad ba naman ng two milyon. 

“Oo, diba alam mo na… pasok-labas ganyan.”

“You mean… sex?” Tumango naman ako sa sinabi niya. Napansin ko naman na napangisi siya. 

“Am I really out of my mind to have sex with a prostitute like you? Do you think papatulan kita kahit na….” tiningnan niya ako mula ulo hanggang legs. “... maganda ka?” 

Napanganga ako sa narinig. Kung ganon, anong ginagawa ko rito at bakit kami magkasama?

“I know what you’re thinking, hindi ako ang nagbayad sayo ng two million pesos. Nagbayad non ay ang grand father ko. He wants me to have sex with other woman kasi gusto niya ng magkaapo.”

“Kung ganun, bakit mo pa ako sinama rito kung hindi mo pala ako ise-sex?” 

“Are you desperate to have a one night stand? Ganyan ka ba kababang babae?” iiling-iling niya pang sinabi at mas binilisan ang pagpapatakbo ng sasakyan. Napahawak naman ako sa seatbelt at humawak din sa bintana ng kotse para sa suporta. 

“Nagtatanong ako, kasi naguguluhan ako kung saan ba tayo pupunta. Kung hindi pala tayo magsesex, bakit mo pa ako sinama? Anong gagawin mo sakin na kasama ako? At excuse me, oo prostitute ako pero may taste ako ha, bakla na lang hindi papatol at makaka appreciate ng beauty ko,” sabi ko at mas hinawi ang slit ng aking dress. Napangisi naman ako nang makita ko na napalingon siya sa legs ko. 

Napansin ko naman na umigting ang kanyang panga. “We need to play along with my grandpa’s play. Kailangang alam niya na magkasama tayo. And don’t worry, I can double the price to assure you na walang mangyayari satin.” 

"Double the price?" 

“Yeah, sounds good isn’t? Hindi ka lugi diba? Wala akong gagawin sayo, and for your information, hindi ako pumapatol sa laspag na at p****k. I have a woman taste…” pang-iinsulto niya sakin. Napakuyom ako ng kamao. Ano bang inaakala ng lalaking ‘to? Na overused ako? Alam kong p****k ako pero bakit parang ang sakit ng mga salitang binitiwan nito sakin? Bakit sobrang apektado ako? Hindi na lang ako umimik at tinuon ang pansin sa labas ng bintana. I need some fresh air kaya binuksan ko ang bintana. Wala naman na din siyang imik nung hindi na ako nagsalita.

Kung alam lang sana ng mga taong nagsasabi sakin ng p****k at laspag na yung nakaraan ko, baka kahit konti tratuhin nila ako ng maayos. Baka kung alam nila ang background ko kaya ako napasok sa ganito, baka kahit konti bigyan nila ako ng respeto. Pero ayokong ipangalandakan na biktima ako, kasi ginugusto ko rin naman kasi wala akong choice. Ito ang puhunan ko. Wala akong edukasyon o pagmamay-ari na ipagmamalaki. Tanging kagandahan ko lang ang hawak ko sa ngayon. Kaya habang marami ang nahuhumaling sakin, ite-take advantage ko yan para may makain mga kapatid ko, para maipagamot ko si Momi, at para kahit sa ilang buwan o taon akong hindi sumayaw sa bar at i-table ng mga bastos na lalaki, hindi kami magugutom kasi may hawak akong maraming pera. Titiisin ko yan, kasi baka nga ito ang tadhana ko.

Huminto ang sportscar sa isang malaking bahay, or mas magandang sabihn na isang mansyon. Ewan ko ba at bakit parang ang bigat ng damdamin ko, parang nawalan ako ng gana simula nung ininsulto ng lalaking to yung pagkatao ko. Swerte kasi siya dahil ipinanganak siyang may pera, kaya hindi niya ranas magtrabaho sa mga illegal na paraan. 

Bumaba kami pareho sa sasakyan at nauna siyang naglakad papasok sa mansyon. Nagulat pa ako dahil hindi ko napansin na may mga naka black in men suit na nakahanay sa kaliwa’t-kanan. Mga nakayuko at parang nagbibigay galang sa lalaking nasa harapan ko. Inayos ko naman ang slit ng mahabang gown na suot ko at dinama ang pagrampa kasunod niya. 

“Young master, hinihintay na kayo ni Master sa loob,” sabi nung nakakatandang lalaki nang medyo makalapit kami sa harapan. Tiningnan din ako nito at magalang na yumuko sakin. “My lady—”

“She's a whore, don't mind her," napahawak ako sa dibdib ko dahil na-offend ako sa sinabi ng lalaking to. Ano bang problema nito at kanina pa nang-iinsulto? Galit na galit siya sa mga p****k. Hindi ko naman siya inaano.

“Ay, wow ha? Ipangalandakan? Wapakels!” sabi ko at hinawi ang golden hair ko saka muling ngumiti sa bumati sakin. Yumuko muli ito at nagbigay galang sakin. 

“Tss, let’s move forward, and don’t even get near me. Get a distance, ayaw kong malapit ang nakakadiring katulad mo.” Kung hindi ko lang talaga kailangan ng dobleng presyo na sinasabi niya, baka nabato ko na siya ng high heels na suot ko. Kotang-kota na yung pang-iinsulto nito sakin. 

Katulad nga ng sinabi ng lalaki ay pumasok kami sa loob. Nakadistansya ako at talagang iniingatan ko na hindi mapalapit sa kanya. Mahirap na at baka mang-insulto na naman at hindi ko na mapigilan ang sarili kong masampal siya. Sana nga hanggang mamaya nakatikom ang bibig niya. Dahil ngayon pa lang, ayaw ko na siyang kausapin. 

Namangha naman ako sa laki ng mansyong ito. Kumikintab din yung sahig at nakakamangha na pupuwede kang manalamin sa kinis at linaw nito. Ganun din yung mga muwebles, halatang mamahalin at iniingatan.  

“Hey, bitch. Better not talking to that old man, alright? Just ignore him.” Nagkibit-balikat ako sa sinabi niya. Kung sino yung sinasabi niyang matanda na kakausapin namin, yung lolo niya yata, mas nanaisin kong siya ang hindi ko kakausapin. At tinawag pa talaga niya akong bitch? Ang bastos talaga ng ugali! Siguro bakla tong lalaking ‘to! Insecure yata sa beauty ko at ayaw pa ng one night stand! Medyo pwede. 

Nahinto ako sa pag-iisip nang makita ko na yung pinakadulo ng hallway, may malaking golden door doon. Kumikintab yung pintuan na yon na akala mo totoong gold! Or baka naman ginto talaga yung pintuan na yon? Then nung malapit na kami ay bumukas yung pintuan na yon, nasa pinakadulo ang nakalinyang mga naka men in black at sa gitna ay may katamtamang laki ng lamesa, nakaupo doon yung matandang lalaki. 

"Welcome, welcome! Now I already met you!" magiliw nitong bati sakin at may gestures pa siyang gusto akong yakapin. Pero nabigla ako ng hinapit ng lalaking to ang beywang ko. Na akala mo eh pag-aari ako. 

“She's mine, grandpa. We can do whatever you want us to do…"  malamig na sabi nito at napangiti ako ng peke. Nakitaan ko naman ng pagngisi ang matanda at parang tuwang-tuwa sa narinig. 

“Well, well, may I expect a grandchild sooner!” hiyaw nito at nagpalakpalakan ang mga nakalinyang mga naka men in black pero ang mga mukha ay kasing lamig ng yelo.

 “A new Ashford indeed…” 

Ashford? Tiningnan ko naman yung katabi kong nakamaskara. Hindi ako pwedeng magkamali, sa tindig at mukha nito, bakit hindi ko kaagad napansin? Ang crush ko! Si Terrence!

“Te-terrence?” halos pabulong ko ng sinabi pero mukhang narinig pa yata niya. Lumingon siya sakin at kita ko ang pagkunot niya ng noo. Napansin kong umigting ang kanyang panga at nilingunan ako ng may malamig na tingin. 

“Do not talk, shut up.” 

Yung inis ko yata sa kanya kanina biglang nawala… pumalit ang kaba?