That Girl I've Met

"Are you okay, bro? What's bothering you?"

Nagtatakang nilingon ni Sebastian si Dylan, ang kanyang half brother. Nagkita sila nang hindi sinasadya sa loob ng isang private bar.

Malalim ang kanyang iniisip kaya hindi niya gaanong naintindihan ang mga tinanong nito. Hindi niya sigurado kung may sinabi nga ba ang kapatid na hindi niya narinig. O baka naman dala lamang ng alak na iniinom niya.

Napailing-iling si Dylan habang nakatingin sa kapatid. "You just ignored a sexy-hot girl." Itinango nito ang ulo sa isang direksiyon. Sinundan naman iyon ni Sebastian at nakita ang likod ng matangkad na babae na may magandang hubog ng katawan.

Bahagyang nangunot ang noo niya. Inabot niya ang bote ng beer na kakalapag lang ng bartender sa kanyang harap. "And you think something's wrong with me because of that lady?"

"Hindi mo karaniwang ginagawa ang bagay na ito, lalo na ang mang-ignore ng babaeng ka