Kabanata 53: Minerva

SINISTER'S POV:

"Pasensya na po, Ma'am. Ito lang po ang maipapahiram ko sa inyo," iniabot sa akin ni Minerva ang damit na pagmamay-ari niya kaya naman nginitian ko ito.

"Salamat. Pasensya na rin."

Tinanguhan lang ako ni Minerva at saka ako tumalikod sa kaniya at walang atubiling hinubad ang roba na suot ko at saka nagbihis. Isang puting tshirt at maikling shorts ang pinahiram sa akin ni Minerva kasama ang undies na hindi niya pa nagagamit. Sa sobrang swapang ko bilang bihag ni Regal ay hindi ko magawang humingi sa kaniya ng pamalit ko pero nagagawa kong humiram ng damit sa ibang tao. Ang masaklap pa sa katulong pa ako humingi ng pabor.

Nang matapos akong magbihis ay agad kong hinarap si Minerva at nakayuko lamang ito habang naghihintay sa pwede ko pang sabihin kaya naman nagsalita na ako.

"May ibang habilin pa ba si Regal bukod sa pagkain?"

"W-Wala na po, Ma'am. May gusto po ba kayong kainin?"

"Uhm, wala nama