Chapter 10

“KUMUSTA ka na, Yeonna? Lalo ka yatang gumaganda. Dahil ba napapaligiran ka ng mga kalalakihan?”

Pinigil niya ang nagbabantang pagsabog ng emosyon sa ipinapakitang kawalan ng respeto ng aroganteng lalaki sa tulad nila na mga alagad ng batas. Isa lang ang ibig sabihin niyon, wala itong kinatatakutan.

"Uy!" sabay sipa ni Anthony sa paa ng mesa. "Kinukumusta kita? Bingi ka ba?"

“Bulag ka ba?" balik-tanong ni Yeonna. "Hindi mo ba nakikita na humihinga pa ako?"

Natawa si Anthony. "Oh. Clearly, I can see it now na buhay ka pa nga."

"Oo. Kailangan ko kasing mabuhay dahil may pinaghahandaan akong laban.”

Lumapad ang nang-uuyam na ngisi sa labi ni Anthony.

“I want to see you behind bars.”

“Is that a joke? Tatawa na ba ako?”

“Tumawa ka hanggang kaya mo pa. When the right time comes, baka kahit pagngiti ay hindi mo na magawa.”

Napabuntong-hininga ito. “I admire your courage. Not unlike Yessa…”

Malakas na hinampas ni Yeonna ang mesa nang banggitin ni Anthony ang pangalan ng kanyang kapatid.

She wanted to k*ll him at that very moment, pero mailalagay niya sa panganib ang matagal na niyang hinihintay na promosyon.

At gusto pa rin niyang lumaban ng patas kahit na taliwas iyon sa panuntunan ng kanyang mga kalaban.

“Galit ka na ba niyan?” Anthony chuckled. "C'mon, punch me!" panunudyo nitong hamon.

"The last time na babanggitin mo ang pangalan ng kapatid ko, that was the time na luluhod ka sa harap ng puntod niya para humingi ng tawad.”

Muling natawa si Anthony. “Kailangan ko bang ipaalala sa ’yo ang naging hatol ng korte, huh? I’m innocent! Should I spell it to you para ma-gets mo?” pang-aasar pa nito.

“Inosente ka? Tamaan ka sana ng kidlat.”

Napapitlag ang lahat nang umugong at gumuhit ang liwanag sa kalangitan.

“See? Kahit na ang langit ay alam ang kasalanan na ginawa mo. Pero hindi ko hihintayin na ang Diyos ang humatol at maningil sa 'yo...” Tumayo si Yeonna at ipinantay ang sarili sa tapat ng kausap, “Ako na mismo ang maniningil ng malaki mong utang kay Yessa.“ Binalingan niya ang mga kasama, “Halina kayo." Iniabot niya kay Aldrich ang bank card niya at sinenyasang magbayad na sa counter. Tumalima naman agad ito. "Masama sa atin ang makalanghap ng toxic.” Ibinalik niya ang tingin kay Anthony, "Mukha pa namang nakakamatay."

"Hey!"

Mabilis na hinawi ni Yeonna ang kamay ni Anthony na humawak sa kanyang braso. "Don't you ever dare to touch me again, assh○le!"

"At anong gagawin mo? Will you break the law and stain your uniform, huh?"

"Okay lang sa akin ang makulong. Pero sisiguraduhin ko na babaliin ko kahit na ang kaliit-liitan ng mga buto mo! Try me!"

Umalis na ang grupo nang ngumisi lang si Anthony. Nang makalabas sila ng bar, hindi naiwasan ng mga kasamahan ng dalaga na mag-aalala sa pagbangga niya sa isa sa mga kinatatakutan na pader ng mga Cordoval.

“Huwag niyo na akong isipin. Kaya ko ang sarili ko.”

"Pero hindi niyo ba napansin? Hindi siya masyadong rumesbak kahit ilang beses mo siyang ininsulto," wika ni Melan.

"At iyon ang behaviour na delikado," saad ni Dante. "Kaya mag-iingat ka."

"Hindi ko siya katatakutan."

"Sabagay," singit ni Macoy. "Mukhang matapang lang siya kapag may mga kasama."

Nagpaalam na sa isa’t isa ang grupo nang lumabas na si Aldrich sa bar at maibalik nito sa dalaga ang bank card.

Pinili muna ni Yeonna na maglakad-lakad upang maibsan ang galit na namumuo sa dibdib dahil sa muling pagtatagpo nila ni Anthony. Hindi niya iyon inaasahan.

“Yessa, alam kong hindi ka pa natatahimik sa kinaroroonan mo. Tutuparin ko ang ipinangako ko sa ’yo. Bibigyan kita ng katarungan. Malapit na.”

Biglang bumagal ang paghakbang niya nang mapansin sa unahan ang isang umuugang pulang kotse na nakaparada sa shoulder lane ng madilim na kalsada. At sa loob niyon ay naaninag niya ang pigura ng lalaki na tila nakikipaglaban ng lakas sa sinumang kasama nito.

Binunot ni Yeonna ang baril. Lumapit siya sa sasakyan at kumatok sa tinted na bintana. Tumigil iyon sa pag-uga kasunod ang pagbukas ng pinto. Napansin agad niya ang isang babae na walang malay na nakahiga sa backseat.

“She just passed out,” wika ng lalaking pawisan na lumabas at sabog-sabog ang buhok na maging ang suot na puting longsleeves ay nakabuka dahil sa pagkakatanggal doon ng ilang butones.

“Taas ang kamay!” sigaw ni Yeonna nang itutok ang baril.

“Miss- ”

“Sinabi nang itaas mo ang kamay mo!”

Tumalima ito. “You misunderstood this…”

“Malinaw kong nakikita na may ginagawa kang kababuyan dito!”

“Hey! Watch out your mouth. Hindi mo alam ang sinasabi mo.”

Inilabas niya ang posas at isinuot iyon sa mga kamay ng lalaki. “You have the right to remain silent. Anything you say may be used against you in a court of law. You have the right to consult an attorney. If you can not afford one, you shall be provided by the government.”

“Of course, I can afford the best lawyer in this country. Pero ano ba ang kaso ko para hulihin mo ako?”

“S*xual Assault.”

"What? Are you serious?"

"Nakangiti ba ako, ha?"

"Let me go. Or else- "

"Sa presinto ka na lang magpaliwanag."

"Wait! Ouch! Babae ka ba? Bakit ang lakas mo?"

"Lumalakas talaga ako kapag may nakakaharap akong masamang tao!"

Puwersahan nang itinulak ni Yeonna ang lalaki at nagpara ng taxi. Idineretso na niya ito sa presinto matapos tumawag ng backup sa mga kasamahan para puntahan ang biktima.