Novels by Gemstone

Kumakabog ang dibdib at nanginginig ang kamay ni Catherine habang hinihintay ang resulta sa hawak na home pregnancy test kit. Nang sa palagay niya ay mabibitiwan niya iyon ay kaagad niyang ipinatong sa ibabaw ng hinihigaan. Kagat ang hinlalaking hinintay niya ang result. Ilang minuto lang naman iyon ayon sa instruction na kalakip ng kit.Pero ang ilang minutong paghihintay ay tila katumbas ng isang dekada. Hindi siya mapakali. Gusto niyang ipikit ang mga mata nang sa wakas ay matapos ang paghihintay.Pero kahit nakapikit man o nakamulat ay halos nakatitiyak na siya sa result...Gayunpaman ay nangalog ang kanyang mga tuhod nang makumpirma niya ang kanyang hinala.Two lines... Meaning? Positive. Buntis siya. Nabuntis siya...Hindi niya alam kung dapat siyang umiyak sa tuwa dahil sa isang bagong buhay na pumipintig sa kanyang sinapupunan, o dapat siyang umiyak sa takot dahil hindi siya sigurado kung ano ang buhay na maibibigay niya rito. Hindi niya alam ang gagawin.May dalawang buwan na

Masakit ang buong katawan at parang binugbog si Catherine nang magising siya. Nag-iisa na lang siya sa kama. Mataas na rin ang sikat ng araw na naglalagos sa salaming dingding kung saan tanaw na tanaw ang mga nagtataasang building sa labas. Hinapit niya ang kumot sa dibdib nang maisip na baka kanina pa may nanonood sa kahubdan niya. Mabuti na lamang at mukhang tinted ang salamin.Dahan-dahan siyang bumangon sabay ngiwi nang makaramdam ng sakit sa pagitan ng dalawang hita. Halos hindi niya maitikom ang mga iyon. Pakiramdam niya ay may kamaong nakapasak sa pagkababae niya. Inilibot niya ang tingin sa kabuuan ng silid. Nakita niya ang kanyang mga hinubad sa ibabaw ng isang silya.Kipit ang kumot, paika-ika siyang lumapit sa silya at kinuha ang mga damit. Hinanap niya ang banyo. Pagbukas niya ng pinto ay napasinghap siya dahil ang sumalubong sa kanyang paningin ay ang repleksyon niya sa salamin. May bahagyang putok ang lower lip niya at tadtad ng maraming marka ang leeg at punong dibdib n

Malakas na natawa si Catherine sa biro ni Kristoff. Hindi pa rin naaalis ang epekto ng alak sa ulo niya."Thank you, Kristoff. If I may be so bold, can I give you a kiss for your chivalry?" pakiramdam niya ay isa siya sa mga paborito niyang heroine sa mga binabasa niyang historical romance. And she's out to seduce her dashing knight.Ngumiti ang lalaki na parang naaaliw. Pakiramdam niya ay nalusaw ang kanyang puso at nanlambot ang kanyang mga binti sa napaka-simpatikong ngiti.Pagkatapos ay bahagyang kumiling ang ulo nito. "I'd be a fool to refuse such an offer, my lady."Para siya biglang nakipag-karera sa mabilis na pintig ng kanyang puso. Katulad ng sinabi kanina ng kanyang pinsan, hindi siya pang-beauty queen material.Ngunit ng mga sandaling iyon pakiramdam niya ay siya na ang pinakamagandang diyosa sa balat ng lupa. Kusa niyang tinawid ang espasyo sa kanilang pagitan. At dahil matangkad ito bahagya pa siyang tumingkayad upang ipatong ang mga kamay sa balikat nito at subukang ila

Verde Club.Nakatingin si Kristoff sa dalawang pares ng babae at lalaki na kapapasok lamang ng club. Malibang ang unang pareha ay mukhang typical yuppies habang ang nahuhuli'y masyadong mixed-match. Ang babae'y mukhang manang na dadalo sa misa habang ang kapareha nito ay tila isang die hard fan ng Metallica noong mga panahong usong-uso pa ang mga heavy metal band.He couldn't help noticing either na parang hindi komportable ang babae sa kapareha nito. Panay ang piksi nito sa tuwing hahawakan ito o aalalayan ng kasama.Napailing siya at tahimik na tinuya ang sarili. Wala siyang pakialam sa buhay ng mga ito. Naroroon lamang siya upang maglibang. Ang pansamantalang makalimot sa bigat ng responsibilidad na kanyang pinapasan. Managing a transnational consumer goods company is a big responsibility. Idagdag pa roon ang pangungulit ng kanyang mga magulang na mag-asawa na siya at bigyan ang mga ito ng apo.Na para bang ganoon lamang iyon kadali. Sa estado niya sa lipunan ay hindi ganoon kadali