All Chapters of OWNED BY HIM: A True Love By His Side: Chapter 31 - Chapter 34

PAGPASOK ni Katrina sa loob ng mansyon ay nakita niyang may nakaparadang kotse kung saan doon niya ipinaparada ang kanyang sasakyan. Hindi iyon pamilyar sa kanya kaya nagtataka siya kung kanino iyon.Pagpasok niya sa mansyon ay agad niyang hinagilap ng paningin ang mag-asawa, pero hindi niya ito makita. Eksaktong napadaan siya sa tapat ng kwarto ni Gerald at naulinigan niyang may kausap itong babae. Doon pumasok sa isip niya na baka ang kausap nito ang nagmamay-ari ng sasakyan.Aalis na sana siya sa tapat ng silid para ipagpatuloy ang paghahanap sa mag-asawa nang bumukas ang pintuan nito. Iniluwa niyon si Gerald kasunod ang isang babaeng todo sa porma. Saglit niya lang itong tiningnan at inalis din niya ang mata niya roon.“Ate Kat, kanina ka pa ba riyan?” tanong sa kanya ni Gerald. Nakasanayan na nitong tawagin siyang ate kaysa tita dahil ilang taon lang naman ang agwat niya rito.“Hindi naman, kararating ko lang. Hinahanap ko sina tito at tita at saka si ate Gladys. Nasaan ba sila?”

SA WAKAS ay nakabalik na rin si Saskia sa Del Flores Winery dahil pinayagan na siyang pumasok ni Weston makalipas ang isang linggo. Ngunit katakot-takot na parinig ang natanggap niya mula sa ibang mga katrabaho na may galit na yata sa kanya simula nang pumasok siya sa kompanya.Kasalukuyan siyang naglalakad papunta sa kanyang opisina pero napahinto siya nang pagtapat niya sa pintuan sa isa sa mga departamento ay biglang nagsalita ng malakas ang mga naroroon na tila ba sinasadyang iparinig sa kanya ang pinag-uusapan ng mga ito na alam niyang patungkol sa kanya.“Aba, abusado rin itong bagong Chief Financial Officer natin, ‘no? Halos isang linggo siyang nawala ng wala man lang paalam, pagkatapos ay bigla na lang papasok ng wala ring paalam? Ang galing din naman! Gaano kaya siya kalakas kay Sir Weston para payagan siya sa ginagawa niyang ‘yan? Kabago-bago pa lang, gumagawa na ng sariling schedule,” sambit nung isang babae habang ngumunguya ng sandwish sa working table nito.“Sinabi mo pa