Semua Bab A Night with the Billionaire: Bab 21

Sa main lobby ng gusali, may tatlong empleyado ang nagkukumpulan malapit sa front desk, nagbubulungan habang pasulyap-sulyap sa meeting room sa itaas. Ang isa sa kanila, isang babae na naka-corporate attire ay kinakagat ang kuko—isang malinaw na sensyales ng kaba. “Narinig n’yo na ba? Sabi ng accounting, mukhang made-delay na naman ang suweldo natin,” mahina ngunit mariin na sabi ng isa. “Kung ganyan pa rin ang sitwasyon, baka wala na tayong trabaho sa susunod na quarter,” sagot ng isa pang lalaki, ang kamay ay mahigpit na nakakapit sa hawakan ng kanyang bag. “Dapat yata ngayon pa lang ay maghanap na tayo ng trabaho,” nalulungkot na sabi ng isang babae na naabutan pa si Leonard bilang CEO ng NexTech. “Ano na kaya ang nangyari kay Miss Lilliane?” Nagkatinginan ang tatlo nang mabanggit ang pangalan ng tagapagmana ng kumpanya. Matagal na silang walang balita tungkol dito at ang huli ay ang tungkol sa umano’y nalalapit na pakikipag-isang dibdib nito sa matandang media magnate. Samanta