Lahat ng Kabanata ng The Day I Found You: Kabanata 61 - Kabanata 62

Nakauwi na sa mansion si Euve ng mga sandaling ito. Sinadya niyang umalis kanina sa kaarawan ni Steve nang hindi nagpapaalam dahil nasa komprotansiyon pa ang lalaki patungkol sa babaeng bigla na lamang sumulpot sa eksena at daig pa ang octupos kung makayakap kay Steve.Hindi na niya alam kung ano ang naging pag-uusap at palitan ng sagot ng mga ito. Ginamit niya ang pagkakataon para maka-split dahil sa totoo lang ay napagod siya. Ewan ba niya kung bakit napagod siya ngayong araw gayong wala naman siyang ginawa sa kaniyang pagpunta roon kundi umupo at uminom ng wine. Alam niyang magtataka si Steve sa piglang pagkawala niya sa party nito pero saka na niya poproblemahin ang magiging katwiran niya sa oras na tanungin siya ng lalaki. Wala naman siyang kinalaman sa away ng maglola at kung sino man ang babaeng lumitaw sa party.Kung ano man ang problema ng mga iyon, problema na nila iyon. Basta ang gusto lamang niya ay makauwi at makapagpahinga. Pasalampak siyang nahiga sa malambot na kama.