Art of Destiny LVI

NAGING mainit naman ang naging pagtanggap ng pamilya ni Mang Carding Favila sa mag-asawa pagdating ng dalawa roon sa Isla Corona, ang lugar kung saan nagmula ang yumaong nobyo ni Naikkah na si Jino Favila.

Si Mang Carding ay kapatid ng papa ni Jino. Ito din ang pinakaclose nito na tito sa lahat ng lima pang kapatid ng kaniyang ama. Gaya ng pagkakasabi ni Naikkah, may malapad na kaniyugan ang naturang tiyuhin ni Jino kaya nga doon niya napag-isip na doon muna sila ni Jino pansamantalang mamalagi para maitago si Jino sa mga naghahanap sa asawa niya.

Nasa plano na ni Naikkah na iyon ang mangyayari kaya naman, sa pagdating pa lamang nila roon ay agad na ipinagtapat niya na baka matatagalan sila sa lugar na iyon. Nagulat man si Jino ay hindi nagawang makapagsalita.

Hindi niya alam kung nahihiya ito o baka naman wala itong makitang masama sa sinabi niya.

"Ikaw ang bahala. Nasa iyo naman iyon kung magtatagal kayo rito." tanging tugon ng kaniyang tito Carding na bagama't patay na ang asawa