Chapter 5

"I'm fine, Kuya," sabi ni Madison sa kanyang kapatid na si Marc.

"Pahamak na ang dinadala ng Wyatt na 'yan sa 'yo, Maddy." Napabuntong hininga na lang siya.

Nalaman kasi ng Kuya Marc niya ang nangyari sa club. Na muntik na siyang mabastos dahil sa pagpunta niya kay Wyatt sa club. Syempre, walang ibang nagsumbong kung hindi si Zaver. Kaya ito ngayon ang kuya niya at tumatawag para lang i-check kung okay ba siya. Nasa abroad kasi ito ngayon at doon nakatira dahil nandoon din ang pamilya nito. May sarili na kasi itong pamilya ngayon.

"Hindi naman, Kuya. Actually, kasalanan ko din kasi ako naman 'yong nauna kaya nagsumbong 'yong babae sa kuya niya." Ayaw niyang magalit ang kuya niya kay Wyatt kaya nga todo siya sa pagtatanggol sa binata. "Kaya walang kasalanan si Wyatt sa nangyari. Actually, pinagtanggol pa nga niya ako, eh. Isn't that sweet?"

Napangiti siya ng maalala kung papaano siya ipagtanggol ni Wyatt kagabi sa lalaking manyakis na 'yon. Kung papaano nito sabihin na walang pwedeng bumastos sa kanya. She can feel him being protective towards her.

"Asus! Pinagtatanggol mo ba ang womanizer na 'yon." She can't help it dahil mahal niya 'yong tao. "Kahit na pinagtanggol ka niya, in the first place hindi ka naman mababastos kung hindi ka pumunta sa club na 'yon. At anong dahilan mo kaya ka pumunta doon? Hindi ba siya? Kaya kasalanan niya!" Napailing na lang siya. "My gosh, Maddy! Maraming lalaki sa mundo pero bakit ang womanizer na 'yon ang nagustohan mo? Ginayuma ka ba ng lalaking 'yon?"

Natatawa na lang siya dahil naniniwala ang kuya niya sa gayuma-gayuma na 'yan. "Kuya, walang gayuma sa mundong ito. Gawa-gawa lang 'yang gayuma na 'yan. Hindi ba pwedeng tinamaan lang ako ni kupido?"

"Tss! Ang korni mo. Ayaw mo maniwala sa gayuma pero naniniwala ka sa kupido'ng 'yan, eh, gawa-gawa lang din naman 'yan."

Natawa siya ulit. "What I mean, Kuya, is I really love, Wyatt. Kahit pa sino o kung ano siya ay mahal ko pa din siya. Gano'n naman talaga ang pag-ibig, 'di ba? Kahit ano pa sila, basta mahal mo, mahal mo. Hindi ko naman pwede na pigilan ang puso ko sa pagtibok para sa kanya."

"Alam ko naman 'yan, Maddy, pero may limit din ang katangahan at pagiging manhid." Napanguso na lang siya.

Kung nasa harap lang niya ang kuya ay sigurado siyang binatukan na siya nito para magising siya pero kahit anong batok nito sa kanya ay hindi talaga siya magigising dahil matagal na siyang gising. At alam niya sa puso niyang mahal niya si Wyatt.

"Don't waste your time and life in Wyatt, Maddy. I know Wyatt, he is kind and caring towards you pero alam ko na bilang isang kaibigan lang ang turing niya sa 'yo. He can't even see you as a woman kaya papaano ka niya mamahalin?"

Napabuga siya ng malakas na hangin. Imbes na suportahan siya ng kapatid ay mas pinapahina nito ang loob niya.

"Kuya, there is nothing imposible in love. Lahat nakakaya at nagagawa dahil sa love."

"Oo, pati ang magpakatanga."

Napabuntong hininga siya ulit. "Kuya."

"Ayaw ko lang na balang araw ay magsisi ka, Maddy, kasi mare-realize mo na sinayang mo lang pala ang panahon at pagmamahal mo sa isang katulad niya."

"I won't regret loving, Wyatt, Kuya." Kahit hindi niya nakikita ito ngayon ay alam niyang napapasapo na lang ito sa noo dahil sa katigasan ng ulo niya. "Nararamdaman ko, magbubunga din ang paghihirap, at pagtitiis ko. I know and I can feel na magiging akin din si Wyatt. Maybe not now, but soon. I can feel that."

Alam niyang napapailing na ito ngayon. "Napakatigas talaga ng ulo mo. Basta, sinabihan na kita kaya huwag kang tatawag sa akin na umiiyak dahil sinaktan ka ng Wyatt na 'yan dahil talagang sasabihan kita ng, I told you so."

"Don't worry, Kuya, I won't," nakangiti niyang sabi. Hindi din naman kasi siya nagsusumbong dito.

"Kapag talaga nalaman ko na sinaktan at pinaiyak ka ng Wyatt na 'yan ay uuwi ako diyan at gugulpihin ko ang lalaking 'yan."

Napangiti naman siya dahil kahit pagsabihan siya nito ng mga masasakit na salita ay alam niya na sinasabi lang naman 'yon ng kuya niya dahil nag-aalala ito sa kanya. Her very protective Kuya Marc.

"I love you, Kuya."

Narinig niya ang pagbuntong hininga nito sa kabilang linya. "I love you, too, Maddy. Please take care of yourself, especially your heart."

"Don't worry, Kuya, I will. Bye." Pinatay na niya ang tawag.

Napailing na lang siya. Sa tuwing tumatawag ito sa kanya ay palagi na lang nitong nababanggit si Wyatt at kung gaano siya nagpapakatanga sa binata. Hindi naman siya nagpapakatanga, she's just patiently waiting for him.

"Hello, my beautiful friend." Nagulat siya sa biglang pagsulpot ni Wyatt sa opisina niya. Ni hindi man lang ito kumatok sa pinto niya.

Napakunot noo siya. "Anong ginagawa mo dito?"

Napanguso ito dahilan para magtaka siya. "Ayaw mo na ba akong makita? Ouchy naman!"

Napangiwi siya ng hinawakan nito ng dibdib na tila ba nasasaktan. "Alam mo? Ang o.a mo kahit kailan." Natawa na lang ito. "Ano ngang ginagawa mo dito? Hindi ka naman siguro narito para mag-drama, right?"

"I'm here to invite you for lunch."

Umikot ang mga mata niya at napatingin sa laptop. "Kung in-invite mo lang ako para injanin na naman. No thanks."

Lumapit ito at naupo sa visitors chair. Napatingin siya dito ng napahalumbaba itong nakatingin sa kanya. Tinaasan niya ito ng kilay.

Natawa na lang si Wyatt sa inasta niya. "Bakit ba ang sungit mo today? May regla ka ba kaya mainit ang ulo mo?"

Sinamaan niya ito ng tingin. "Ako ba'y trip mo, Wyatt? Kung nandito ka lang para inisin ako, pwede sa susunod na araw na lang kasi madami pa akong ginagawa ngayon."

"Galit ka ba dahil sa nangyari kagabi?" Hindi siya nakasagot dahil sa tingin nito sa kanya. "Look, hindi ko naman ginusto ang nangyari sa 'yo. And honestly, nakalimutan ko talaga ang dinner natin kahapon." Napabuntong hininga ito. "Medyo napagalitan kasi ako ni daddy kaya bad trip ako at nakalimutan ko na talaga."

Bigla naman siyang nakonsensya dahil nagalit siya sa binata na hindi naman niya alam na may pinagdaanan pala ito.

"I'm sorry, hindi ko alam. Bakit ka pala pinagalitan ni tito?" Hindi ito sumagot dahilan para mapailing siya. "Let me guess, dahil sa pagiging womanizer mo." Muli siya napailing ng hindi pa din ito sumagot. "Magbago ka na kasi para hindi ka na pagalitan ng daddy mo."

Napasandal na lang ito. "Magbabago ako kapag feel ko pero kung pipilitin nila ako na magbago, hindi talaga ako magbabago." Napailing na lang siya dahil matigas din ang ulo nito. "Anyway, ano na? Gusto mo ba mag-lunch o hindi?"

Seryoso niya itong tiningnan. "This time hindi mo na makakalimutan?"

Natatawa naman ito dahilan para magtaka siya. "Papaano ko makakalimutan kung nandito na nga ako at sinusundo ka?" Napakunot ang noo niya. "My gosh, Maddy! Hindi mo ba alam na lunch time na?" Umiling siya dahilan para mapasapo ito sa noo. "Past twelve na po para alam niyo."

Napatingin siya sa relong pambising at nakitang twelve fifteen na nga. Hindi niya namalayan ang oras dahil busy kasi siya lalo na't kararating lang ng ibang mga bulaklak ngayon.

"Kung hindi pa pala ako dumating dito ay malamang nalipasan ka na ng gutom. Para ka pa namang engot kapag nalilipasan ng gutom."

Sinamaan niya ito ng tingin. "Anong sabi mo?"

"Ang sabi ko, tara na kasi gutom na ako." Tumayo na ito. "Hintayin na lang kita sa labas," sabi ni Wyatt at saka lumabas na ng opisina niya.

Napangiti naman siya kasi kahit nakalimutan nito ang dinner nila kagabi ay bumabawi naman ito sa kanya ngayon ng lunch at talagang pinuntahan pa siya nito para lang sunduin.

See? Papaano niya hindi mamahalin si Wyatt kung ganyan ito sa kanya? Na kahit nakakalimot ito sa usapan nila ay bumabawi naman. Kahit kailan ay hindi ito nakakalimot sa pagbawi.

Kapag ganito palagi ang binata ay mas nahuhulog ang loob niya dito. Mabilis niyang niligpit ang mga gamit at lumabas na din. Nakita niya ang assistant niya na malaki ang ngiti sa kanya na tila tinutukso siya.

"Kakain na muna ako," paalam niya dito.

"Sige, Ma'am. Eat well. Oh, I'm sure mabubusog naman kayo kasi kasama niyo si Sir Wyatt."

Pinanlakihan niya ito ng mga mata at napatingin kay Wyatt na nasa labas lang at naghihintay sa kanya.

"Tumahimik ka nga. Baka mamaya ay marinig niya." Napailing na lang siya ng matawa lang ito. "Ikaw na ang bahala dito."

"No problem, Ma'am. Take your time." Napailing na lang siya ng kindatan siya nito.

Tuluyan na siyang lumabas sa flower shop niya. "Let's go?"

Tumango naman si Wyatt. Napangiti siya ng pinagbuksan pa siya nito ng pinto at alalayan. Isa ito sa minahal niya kay Wyatt. Kahit womanizer ay gentleman naman.

"Saan tayo kakain?" tanong niya ng makapasok na ito sa driver seat.

"Ikaw? Saan mo gusto?" Pinaandar na niyo ang makina ng sasakyan.

"Hmmm..." Napaisip naman siya. "Sa resto na lang ni Aiden."

"Okay." Tuluyan na nga nitong pinaandar ang sasakyan papunta sa resto ni Aiden.