Kabanata 5

Colter POV

Dati, pag sinabing pangalan ko, laging mayaman ang unang pumapasok sa isip ng mga tao. Trillionaire. Negosyante. Tagapagmana ng Alcazan empire. Pero hindi ko makakalimutan ang mga nakakasalamuha ko noon—mga babaeng mabilis umiwas ng tingin, mga lalaking patago ang tingin ng paghamak, at mga staff ko na halatang hindi man lang ako ma-idolize.

Ngayon, ilang buwan matapos ang desisyon kong magbago, ibang-iba na ang sitwasyon.

Hindi ko na sinayang ang oras. Pagbalik ko mula sa paghahabol sa scammer na iyon—kung saan halos wala akong nagawa kundi magmukhang kawawa—agad akong nagpagawa ng isang state-of-the-art gym dito sa mansion ko. Pinakamahal na equipment, imported weights at kahit sauna, meron dito. Wala akong dahilan para magpunta pa sa public gym.

“Mr. Alcazan, today we’ll focus on core strength,” sabi ni Chad, ang private coach na kinuha ko. Isa siyang world-class trainer na dati pang nagtratrabaho sa mga kilalang atleta. Pero ngayon, full-time na siyang naka-assign sa akin.

“I don’t want to just focus on strength, Chad. I want results—quick results,” sabi ko habang nakatingin sa sarili sa salamin. Nagsimula na ring lumiit ang tiyan ko, pero hindi pa ako kontento.

“Yes, sir. But remember, it’s not just about speed. It’s about consistency.”

Tumango na lang ako. Sa presyo ng bayad ko sa kaniya, alam kong kaya niya akong gawing parang Greek god.

Habang nagpapatuloy ang pagbabago sa katawan ko, naisip ko ring panahon na para ayusin ang mukha ko. Dumaan ako sa matinding puberty noon, at naiwan sa akin ang mga peklat mula sa tagyawat na hindi ko na naisip ayusin. Ngayon, trinabaho ko iyon nang husto.

Regular akong pumunta sa The Aesthetics Lounge, isang high-end derma clinic na kilala sa mga celebrity clients nito.

“Mr. Alcazan, your skin is looking better each session,” sabi ng dermatologist ko.

“Good. I want it flawless. Money isn’t an issue, so don’t hold back,” sagot ko.

“Yes, sir. We’ll include diamond microdermabrasion, stem cell therapy, and gold-infused facials in your next sessions. Your skin will look as good as new.”

Pagkatapos ng ilang buwan ng treatments, parang ibang tao na ang nakikita ko sa salamin. Wala na ang tagyawat. Wala na ang insecurity. Naging mas confident na ako humarap sa kahit sino.

Noon, wala akong pakialam sa pormahan. Jeans at simpleng shirt lang ang madalas kong suot. Pero ngayon, kinuha ko ang pinakamagaling na stylist sa bansa para baguhin ang buong wardrobe ko.

“Mr. Alcazan, your body is now the perfect canvas for tailored suits,” sabi ng stylist ko habang sinukat niya ako para sa mga bagong damit.

“Tailored suits, luxury watches, and shoes—make sure everything is top-tier,” utos ko.

Ngayon, kahit saan ako magpunta, kitang-kita ang klase at yaman ko. Hindi lang sa bank account, kundi pati na rin sa tindig at porma.

Hindi ko rin kinalimutan ang kakulangan ko pagdating sa self-defense. Kumuha ako ng martial arts instructor, at sinimulan kong pag-aralan ang mixed martial arts, Krav Maga, at maging ang paggamit ng baril.

“Your stance is improving, sir,” sabi ng instructor ko habang binabantayan ang bawat galaw ko.

“I need to be perfect at this. No weaknesses,” sagot ko habang pinagpapawisan pero mas determinado kaysa dati.

Ang pag-aaral ng martial arts at self-defense ang nagbigay sa akin ng kumpiyansa na kahit sinong scammer o kriminal pa ang humarap sa akin, hindi na nila ako basta-basta matatalo.

Ilang buwan lang ang lumipas, pero parang ibang tao na ako. Mula ulo hanggang paa, halatang pinaghandaan ko ang bawat aspeto ng sarili ko. Ang katawan ko ngayon, matipuno at parang nililok ng eksperto. Ang mukha ko, makinis at may natural glow na kahit ang mga staff ko ay hindi na maitago ang paghanga.

“Sir, you look amazing today,” sabi ng assistant ko isang umaga habang papasok ako sa opisina.

Ngumiti lang ako. Sanay na akong makarinig ng ganitong papuri, pero minsan hindi pa rin ako makapaniwala na ang dating binabalewala lang ng mga tao ay halos pinagkakaguluhan na ngayon.

Kapag dumadaan ako sa hallway ng kumpanya, naririnig ko ang bulong ng mga empleyado ko.

“Grabe, ang hot ni Mr. Alcazan ngayon.”

“Parang hindi na siya yung dating boss natin!”

“Crush ko na siya, promise!”

Hindi lang iyon. Kapag nasa labas ako, halos maglaway na ang mga babae kapag tumitingin sila sa akin. Kung dati, halos hindi nila ako magawang tignan ng diretso, ngayon halatang gusto nilang mapansin ko sila.

Habang nakaupo ako sa terrace ng mansyon ko isang gabi, iniisip ko ang lahat ng nangyari. Kung gaano kalayo na ang narating ko mula sa dating ako.

“Colter Alcazan, you’ve outdone yourself,” sabi ko sa sarili ko na nakangiti habang iniinom ang isang basong mamahaling whisky.

Pero alam ko rin na hindi pa ito ang katapusan. Sa bagong anyo ko, alam kong mas marami pa akong maabot. Ang tanong na lang ay, sino kaya ang susunod na babaeng magiging bahagi ng bagong buhay ko?