Chapter Two

THERE were a lot of things Migs knew he should say to Armina.   First, ang sumbatan ito sa ginawa nito four years ago sa kanya.  Pero nang makita niya ito, naglaho ang lahat ng hinanakit niya sa dalaga.  Hindi siya nagkamali nang sabihin niya rito na naka-moved on na siya, na napatawad na nga niya ito.  Dahil totoong hindi na siya galit sa dating nobya na naging sanhi ng kanyang kasawian noon. Gusto niyang maging kaibigan uli ito.

              Naisip ni Migs, ano kaya ang nangyari kay Armina sa loob ng apat na taong hindi nila pagkikita?  Nu’ng time na sila pa nito, teller ito sa isang bangko.    Beinte-dos pa lang ang edad nito.  Pareho pa sila noon nakatira sa Bicol.

              Nakilala ni Migs si Armina sa isang binyagan.  Nag-anak siya sa binyag ng kaklase niya noong high school na si Rene at bisita roon si Armina.  Unang sulyap pa lang niya sa babae, attracted kaagad siya rito.   Shoulder-length hair, rosy cheeks, kissable lips.  Ang mga mata’y tila laging nakatawa pero hindi naman singkit.   She was so sexy in her plaid skirt  na hindi umabot sa tuhod ang haba, flaunting her flawless legs.   Napakaganda nito sa paningin niya.

              Migs remembered, nanlamig ang palad niya noon nang makadaupang palad  ang babae nang ipinakilala sa kanya ni Rene.  At katakatakang natorpe siya rito gayong napakadali para sa kanya ang mambola ng mga babae.  Lahat ng kasanayan niyang boladas para sa mga babae ay tila tinangay ng hangin.  Hindi niya alam kung paano  ito kakausapin.   Hanggang pag nakaw lang ng sulyap kay Armina ang nakaya niyang gawin.  Dahil siguro hindi niya ito kinakausap habang magkatabi sila nito sa upuan, kaya hindi rin ito umiimik. Umuwi si Migs noon na hindi man lang nakuha ang address ni Armina.

            Ngunit sa tulong ni Rene, naisakaturapan ni Migs ang maaanyayahan si Armina na kumain sa labas.  Ito ang nag-arrange ng date nila.  At doon nagsimula ang madalas nilang pagkikita.   Niligawan niya ito at pagkaraan ng anim na buwan ay ibinigay nito sa kanya ang matamis na “oo”.  

            Sa araw-araw na lumilipas, halos ayaw na nilang maghiwalay ni Armina.  They were so inlove.  And it was after a year nang mangyari ang hindi naman nila inaasahang mangyari.  Nakalimot  sila pareho.  Nakalimutan nila na nasa pamamahay sila nina Armina that day.  Pagkatapos nilang magkulitan at maglambigan, hayun nauwi sila sa ‘paggawa ng milagro’.  At hindi nila alam na dumating na pala ang ama ng dalaga dahil nga busy sila sa isa’t isa nito.   Kaya nahuli  sila ng tatay nito sa akto.   Ang resulta, kamuntik nang atakehin sa puso ang may sakit sa puso na tatay ni Armina.

            Galit na galit ang padre de pamilya nina Armina.  Dahil pinakialaman daw ni Migs ang dalaga nito, kailangan daw niyang panagutan ito.  At dahil walang dudang mahal naman talaga niya si Armina, siyempre, pumayag siya.  Sino ang tatangging makasama ang mahal mo sa habang buhay?   

            Naitakda ang kasal nila ni Armina.  Ngunit sa araw ng kanilang kasal, hindi sumipot sa simbahan ang dalaga.

            Ang sakit-sakit ng ginawa ni Armina sa kanya.   Umasa siya noon ng masayang buhay sa piling nito.  Umasa siya na bubuo sila ng isang masayang pamilya.   Nangako ito na mamahalin siya habang-buhay.  Ngunit hindi naman pala totoo iyon.

              Hiyang-hiya si Migs sa sinapit niya.  Pulis pa siya noon sa isang presinto sa Bicol.  Hindi lang sa barangay nila naging usap-usapan ang kapalaran niyang iyon.  Lumaganap din iyon sa buong bayan nila.   Kaya naman, sa sobrang kahihiyan ay nagpasya siyang lumayo na lang.  Nagbitiw si Migs sa pagiging pulis at lumuwas siya  ng Maynila.  Doon siya kinupkop ng kanyang Uncle Benny at ipinasok bilang imbestigador dito sa Detective Agency nito.

            A year after, nakilala niya si Lily.  Isa itong nurse sa ospital kung saan noon na-confine ang Uncle Benny niya dahil sa hypertension.  Hinilom nito ang puso niyang sugatan.  Eventually, they fell in love.  Actually, walang nangyaring ligawan sa kanila, basta naramdaman na lamang nilang mahal nila ang isa’t isa.  Nang magpaalam si Lily na mangingibang bansa upang magtrabaho para makaipon, pinayagan niya ito.  Pero may usapan na sila na sa pagbabalik nito after three years ay magpapakasal na sila nito.   Isang taon na lang ang ipaghihintay niya at matutupad na ang pangarap nila ng nobya.

              “Ang aga mong pumasok,” wika ng isang tinig na nakapagpabalik kay Migs sa kasalukuyan.  Nilingon niya ang pinanggalingan ng tinig na iyon. 

              “Uncle Benny! Akala ko, bakasyon kayo.  Bakit nandito kayo sa opisina?”  Maaga pa nga, pasado alas-siyete pa lang ng umaga.  Sinadya  talaga ni Migs na umalis ng bahay nang maaga para makaiwas sa matinding traffic kapag rush hours. 

            Uncle  Benny sat on the edge of Migs’ desk.  Kasing tangkad ito ni Migs.  Sa edad na sixty-two, powerfully built pa rin ito.  Dati rin itong pulis.  Nang magretiro, itinatag nito ang De Chavez Detective Agency. 

            “Next week na lang ako magbabakasyon,” tugon nito.  “May tatapusin pa akong trabaho.  How about you, sabi sa ‘kin ni Gemma, me bago ka raw kasong hinahawakan.”  Si Gemma ang sekretarya nila sa agency.

            “Si Armina, may gusto ipahanap na tao,” wika ni Migs. 

            “Armina?  ‘Yong kamuntik nang maging De Chavez din?”

            “Sakto.”

            “Sino ‘yong pinapahanap?”

              “A certain Ralph na nakabuntis sa menor de edad na kapatid.”

            “Hindi ka na galit sa kanya?”

            “I’ve moved on, Uncle.  Kaya wala na ‘yon sa akin.”

            “Mabuti naman,” wika ni Uncle Benny. “Mahal mo pa?“”

            “Ano ba namang klaseng tanong ‘yan, Uncle,”wika ni Migs.  “Natural, may spot naman lagi siya sa puso ko kahit hindi maganda ang nangyari sa amin.  Pero may mahal na akong iba.”           

            “Buti naman,”anang tiyuhin niya.   “Sabi mo nga nagbabalak na kayong pakasal ni Lily pagdating niya.  Kung may pagtingin ka pa ke Armina, aba, malaking gulo ‘yan.”

            “Don’t worry, Uncle.  Hindi mangyayari ‘yan.”  Tumindig si Migs.  “Kayo na muna bahala dito.   May pupuntahan ho ako.  Paparating na siguro si Gemma.”

            Kina Armina ang lakad ni Migs.  Kakausapin niya ang kapatid nitong si Samantha.   Kakalap siya ng mg impormasyong maaaring makatulong sa kanya sa paghahanap sa nakabuntis dito.  Nasabi na sa kanya ni Armina kung saan ang mga ito nakatira.  At malapit lang iyon sa opisina nila.  Ayon kay Armina, sa hapon daw ang pasok ni Samantha sa eskuwelahan kaya kung gusto niya itong kausapin, puntahan daw niya ng umaga. 

            Migs rang Armina’s doorbell at exactly eight in the morning.  Alam niyang nakaalis na si Armina.   Wala na siyang makitang sasakyan sa garahe nito.  

            Migs let a minute go by before pressing the doorbell.  Almost immediately the door flew open. 

            “Kuya Migs!” Samantha’s eyes widened pagkakita nito sa kanya.

            “Ikaw nga ba ‘yan, Sam?” Gulat din si Migs sa laki ng ipinagbago ng kapatid ni Armina.  Dalagang-dalaga na ito.

            Hinila siya ni Sam papasok sa loob ng bahay.  “Halika, pasok ka, Kuya.”

            Pinaupo siya nito sa isang pahabang couch.

              “Kumusta ka na?”anito.  “Buti naman, hindi ka na galit kay Ate.”

              “All wounds healed, Sam,”wika ni Migs.  “Ikaw, kumusta ka na?”

              “Heto, tesbun,”tugon ni Sam.  “Sabi ni Ate, PI ka na raw at ikaw ang maghahanap sa letseng tatay nitong ipinagbubuntis ko.”

              “That’s right,”wika ni Migs.  “And I have few things I’d like to go over kaya kita pinuntahan dito sa inyo.”

              “All right.” She took a seat on the chair across Migs.

              “According to your Ate, sa isang party mo raw nakilala si Ralph,”umpisa ni Migs.  “Party ba ‘yon nino?”

            “Sa friend ng friend ni Denise.”

            “Sino si Denise?”

            “Kaibigan ko.”

            “Kilala mo ‘yong nagpa-party?”

            “Nope.  Actually, na-invite lang si Denise nung friend ng celebrant.”

            “Bilib naman ako sa inyo.   Pumunta kayo kahit hindi naman kayo invited.”

            “Eh, mapilit si Denise.  ‘Yong friend daw niya ang bahala.”

            “So, in-entertained ba naman kayo dun sa party?”

            “Oo naman.”

            “Saan ba ginanap ‘yong party?”

            “Sa isang hotel.”

            “Anong pangalan ng hotel?”

            “Glamour Hotel.”

            “Sounds familiar,” wika ni Migs.  “So, paano mo nakilala si Ralph?”

            Sumimangot bigla si Sam.  “Ang gagang Denise kasi basta na lang akong  iniwan  nang matanaw sa isang sulok si Bill George.”

            “Sinong Bill George?” tanong ni Migs.

            “’Yong matagal na niyang pinapantasyang maging boyfriend,”tugon nito. 

“Schoolmate namin.”

            Tumango-tango si Migs.  “Ah, okay,”aniya.  “Tapos, anong nangyari?”

            “May lumapit sa akin na isang lalaki.”

            “Si Ralph?”

            “Siya nga,” ani Sam. “Alam mo bang kamukhang-kamukha siya ng ex-boyfriend kong si Mat?”

            “Really?  Kaya nahulog kaagad ‘yong loob mo sa kanya?”

            “Ganoon na nga siguro.  Mukha naman kasi siyang mabait.  Hinahanap daw niya ‘yong girlfriend niyang modelo  na isang linggo nang nawawala.”

            “Hinahanap niya sa isang party?”

            “Party-goer daw kasi ‘yong girlfriend niya.”

            Tumango-tango si Migs.  “How about your ex-boyfriend?  Bakit mo siya ex na lang ngayon?”

              “We broke up before he left for the States.  Hindi niya raw kasi sigurado kung babalik pa siya.”

              “Alam ba ng Ate mo na nagkaroon ka na ng boyfriend?”

             Umiling ito.  “Nope.  Mahirap sabihin kay Ate.  Baka masabunutan ako nun.  Ayaw niya pa akong magka-boyfriend, eh.”

            “May point naman ang ate mo.  Iniingatan ka lang niya.”

            “Alam ko.”

             “Na-mi-miss mo pa rin ‘yong ex mo?  Mahal mo pa rin?”

              She nodded.  “Siyempre.  First love ko ‘yon.  Pagkakita ko nga kay Ralph, na-wish ko na sana siya na lang si Mat.  I terribly missed Mat that time.”

              “Halata naman.  You spent a night with Ralph.”

              Hindi umimik si Sam.  She stared down at  something, probably sa kuko ng mga paa nito.

              “I’m not the kind of woman naman to casually have a fling with a stranger, Kuya Migs,” sabi ni Sam mayamaya.  She looked up to find him watching her.

            “Alam ko,”wika niya.  “Maski noon pa man, mabuti kang bata.”

            “Nalasing ako nang gabing iyon,” she said, sighing in remembrance.  “I don’t even like alcohol.  Ayoko ng lasa ng maski anong alak.   Pero inudyukan ako ni Ralph na sumubok kahit konti.”

              “At nagpaudyok ka sa kanya.   You even drink more than a sip.”

              “Kasi naman, broken na broken pa ang heart ko noon.  Alam mo bang kabe-break lang namin noon ni Mat?  Ipinagpalit niya ako sa Amerika.  Naikuwento ko ‘yon kay Ralph.  He told me also about his missing girlfriend,  isang linggo na raw nawalala.  Hindi na raw niya alam kung anong gagawin.  I really like him for telling me that.”

            “Enough para maging intimate ka sa kanya?”

            “It was the last thing in my mind naman, Kuya…ang makipag-sex. “

            “Okay,” he said.  “Pero hinayaan mo siyang gawin ang gustong gawin sa iyo.”

            “Lasing nga ako noon kaya nangyari iyon,”giit nito.  ”Pero dapat siguro sinaway ko na siya nung una pa lang na nilalandi niya ako.  Kasi naman, that time ang nasa utak ko siya si Mat.”

            “But it wasn’t Mat,” sabi ni Migs.

            “Hindi nga.”

            “So, what happened next?”

            “Maybe I passed out,” pagpapatuloy ni Sam.  “Hindi ko na kasi maalala ang sumunod na nangyari after that, eh.  Basta in the morning when I awoke,  mag-isa na lang ako sa isang silid, wearing nothing.”

            “That Ralph took advantage of you, Sam,” he said.  “Sinamantala niya ang kahinaan mo, ang pagiging vulnerable mo.  When you passed out, he took you to a room.  At isinagawa ang balak niya sa iyo.  Sinadya niyang lasingin ka.”

            Hindi umimik si Sam.  Nagpatuloy si Migs.

            “He even made up a story of his missing girlfriend so he could win your sympathy and take advantage of you.  Hindi ba, ang sabi mo nga inudyukan ka niyang uminom ng alak?  But don’t worry, hahanapin ko siya para pagbayaran niya ang ginawa niya sa ‘yo.” 

            Migs stood up.

            “Aalis ka na, Kuya?”

            Tumango siya.  “May pupuntahan akong mahalaga.  Thanks for your openness.  What you’ve told me will help me to find out about Ralph.”

            “Okay.”