Chapter 32

Sumobra ba ako sa sinabi ko? Pero matagal ng alam ni Mama ang opinyon ko tungkol rito. Wala namang bago. Nagbanta lang ako na aalis sa puder niya. Pero bakit di pa niya aminin na nagkabalikan na sila? Napairap ako. Sympre di niya aaminin. Alam niyang tututol ako.

"Time's up. Stop writing. In five seconds, I want all your papers in front. One, two, three..."

Pinanood ko kung papaano nagkaundagaga ang mga estudyante ko para ipasa ang mga papeles nila sa quiz namin. Maraming nakabusangot, meron ding nagbubulungan ng sagot, at marami ang nakahinga ng maluwag. Typical na mga ugali kapag natatapos ang isang madugong pagsusulit. Napangiti ako.

I've been teaching some minor subjects. Major ko na noon pa ang Filipino. Pero ngayong nagtuturo ako ay may Hekase na at TLE.

"Teacher Ann, kailan po ipapasa ang scrapbook?" Si Nicole na tumayo para itanong 'yan.

"Sa Friday. Bakit? Wala bang gumagawa?" Namewang ako at tinignan sila isa-isa.

"Teacher Ann! Teacher Ann! Naggawa na ako!"

"Kulang pa ng fam