Kabanata 83 Murderer

Bumaba si Kaye sa kanyang kwarto kaya nakakita siya ng pagkakataong kausapin ito. Hindi naman niya ito sisitahin. Kukumustahin at papaalalahanan lang.

“Kaye, kumusta? Sa isang bahay at kumpanya tayo parehas, ang dalang nating magkita.”

Ngumiti ito sa kanya. “Oo nga. Busy sa work.”

“Kumusta na kayo ni Caleb?”

“Okay naman kami. Magkaibigan na higit sa magkaibigan. Hindi ko na din alam kung ano ang estado ng relasyon namin.”

“Aba, tanungin mo siya. Mahirap ang one-sided love. Alam na alam ko ‘yan.”

“Tama ka dapat ko na nga siyang kausapin. Mahirap umasa at maghintay sa wala. One of these days ay kailangan naming mag-usap ng puso sa puso.”

“Kaye, you are a wonderful person. You deserve to be loved. Huwag mong kakalimutan ‘yan.”

Muling sumilay ang ngiti sa maamong mukha ng kaibigan.

“Isa pa nga pala. Tatapatin na kita, may nakakita sa inyo ni Caleb na may ginagawa sa storage room. Huwag na sanang maulit.”

Pinamulahan ng mukha ang kaibigan. Napayuko ito ng ulo. “I’m sorry. Si Caleb kasi mak