Chapter 2-Agreement

Matapos makapagbihis ni Lance ay lumabas na siya mula sa kanyang kwarto at bumaba na patungo sa sala. Mula roon ay natanaw niya ang kanyang magulang na kausap ang nakakatandang kapatid. Ilang oras na siyang nasa loob ng kanyang kwarto at akala niya ay nakaalis na ito.

Napatingin ito sa kanya nang mapansin siya.

"Oh? Aalis ka?" puna sa kanya nito.

"Lance, kailangan mong puntahan si Cassy," sabi naman ng kanyang ina.

Napabuntong-hininga na lang at naiinis na tumingin sa mga ito.

"Tss, di ba nga kayo na ang nagsabi na may lakad ako ngayon? At huwag kayong mag alala tutuparin ko ang gusto niyo, kahit na ayaw ko. Iyon naman ang gusto niyo, ang hawakan ako sa leeg," sabi niya at tumalikod  sa mga ito.

"Lance," tawag ng kuya niya, na may pambabanta sa boses.

Kaya naman napahinto siya, ngunit hindi lumingon sa mga ito.

"Hindi mo kailangang magsalita ng ganyan kina Mommy. If you didn't like what they want, okay, but don't talk like that too them. Show some respect, because they are our parents," seryosong sabi sa kanya nito.

Napasinghal lang siya sa sinabi nito at bumaling dito.

"Okay, I will remember that," tanging sabi niya at tuluyan nang iniwan ang mga ito.

Napapailing na lang ang kanyang kuya na si Raymond sa inasta niya at bahagya siyang sinundan nang tingin. Naiintindihan nito ang nararamdaman niya, dahil ganoon din ang nangyari dito noon. Subalit nagawa nitong ipaglaban ang sariling minamahal na ngayon ay kasama na nito.

   Samantala, nang makalabas na si Lance sa kanilang mansion ay tinungo na niya ang kanyang kotse sa garahe. Pumasok siya dito at pabagsak na isinara ang pinto saka pinaandar palabas. Pinuntahan niya ang tinitirhan ni Cassy na nasa iisang villa na rin kung saan sila nakatira. Subalit, malayo lang ito nang kaunti sa kanila. Nang makarating siya doon ay bumusina siya at bumaba ng sasakyan. Nakita siya ng guard at nilapitan.

"Sir Lance, magandang gabi. Nandito po ba kayo para kay Ma'am Cassy?" nakangiting bati nito sa kanya.

Ngumiti naman siya  dahil wala siyang dahilan para maging suplado dito. Kilala niyang mabait ang guard nila Cassy, kaya kinakausap rin niya ito paminsan-minsan.

"Oo, nandiyan ba siya?" tanong niya dito.

"Opo, nasa loob siya. Pasok ka na muna," anyaya nito at binuksan ang maliit na pinto ng gate. Tumango naman siya at pumasok. Naglakad siya patungo sa loob ng mansion. Naalala niya noon, na madalas siyang pumupunta dito para bisitahin si Cassy at niyayang lumabas. Ngunit simula nang makilala niya si Erries noon ay hindi na siya madalas nakakapunta dito. Nakakapunta lang siya kapag may okasyon at imbitado ang kanyang pamilya.

Nang makapasok siya sa loob ng mansion ay nakita siya ng mayordoma.

"Sir Lance, kayo pala. Naku, nasa itaas pa si Cassy mukhang nagbibihis pa. Hintayin mo na lang muna," sabi nito sa kanya.

"Sige ho," tugon niya dito at umupo sa sofa.

"Ah saglit at bibigyan kita nang maiinom," sabi nito sa kanya.

Hindi na niya nagawang pigilan pa ito, dahil mabilis itong naglakad patungo sa kusina. Napaisip siya ma baka  alam na  nito na darating siya para kay Cassy. Wala sa sariling napabuntong-hininga na lang siya. Hindi niya talaga gusto ang kanyang nararamdaman ngayon. Mayamaya ay bumalik na ito at may dalang juice. Nagpasalamat na lang siya dito at muling hinintay si Cassy.

Halos sampung minuto rin siyang naghintay, nang makita na si Cassy na pababa ng hagdan.

Nakasuot nang kulay pink na dress, na hanggang heta nito. Simple lang ito, ngunit nang aakit ito ng paningin. Idagdag pa ang magandang mukha ni Cassy na siyang mas lalong nagpaganda sa suot nito. Inaamin naman talaga niyang maganda si Cassy. Maging ang hubog ng katawan nito ay pasado sa kanya. Matalino at mabait. Iyon ang pagkakakilala niya sa babae.

Nalaman niyang isa ito sa mga director ng kompanya na pamamahalaan niya. Ipinamahala sa kanya ng kanyang mga magulang ang isa sa negosyo nila. Ang clothing Industry, kung saan siya ang magiging C.E.O. Sa susunod na araw ay ipapakilala na siya sa lahat bilang bagong C.E.O at kasama niya doon si Cassy. Iyon ang pagkakaalam niya sa usapan ng kanyang magulang.

"Lance, pasensya na at pinaghintay pa kita," malumanay na sabi nito sa kanya at kahit sinong lalaki ay talagang mahuhumaning sa ganda ng tindig nito. Dahil maging siya ay napatulala dito saglit, kaya bahagyang natawa sa kanya si Cassy.

"Ano bang klaseng reaksyon iyan, Lance? Masyado ka naman atang natulala diyan, ako lang ito! Ano ka ba," natatawang sabi nito sa kanya.

Napangiti na lang siya sa sinabi nito at bahagyang napailing.

"Sino ba naman kasing hindi matutulala, kung subrang ganda ang nasa harapan ko ngayon," saad niya dito.

"Tsss, nambola ka pa. Oh ano? Tara na?" anyaya nito.

Tumango lang si Lance dito at inakay na ito palabas ng Mansion, habang nakahawak ito sa braso niya. Inalalayan niya itong makapasok sa kanyang kotse at hindi niya maiwasang tingnan ang mala-labanos nitong kutis. Isa sa mga nagugustuhan niya sa babae iyong makinis at marunong magdala sa sariling kasuotan. Lahat ng iyon ay nasa katangian ni Cassy. Iyon nga lang ay iba pa rin kapag puso ang pinag uusapan.

Kailangan niyang pakisamahan si Cassy ngayong gabi, dahil nga mabait naman ito sa kanya at wala naman siyang problema dito. Subalit tutol pa rin siya sa nais ng magulang niyang maikasal dito.

Naging tahimik ang biyahe nila, dahil hindi niya alam kung paano magsimulang makipag usap dito. Subalit paminsan-minsan ay napapasulyap siya dito, habang nakatingin ito sa hawak nitong Cellphone. Napagmamasdan niya ang postora nito at hindi niya maiwasang maakit dito ng palihim. Pilit niyang nilalabanan ang isip niya sa naiisip nito. Kaya iniiwas na lamang niya ang kanyang tingin sa babae.

    Ilang minuto ang lumipas ay inihinto niya ang kotse sa isang Hotel. Noon pa niya gustong pumunta dito, dahil nagandahan siya tanawin nito lalo na kapag gabi. Ang Hills Place sa tagaytay, kung saan makikita ang magandang mala-bundok na tanawin na nagmumula dito. Makikita nila ang maliwanag na bahagi ng lungsod at maging ang magandang tanawin ng bulkan sa di-kalayuan. Nai-kwento na ito sa kanya nang kaibigan ng kuya niya, na maganda raw dito. Kaya naman sinubukan niyang pumunta, kasama si Cassy.

Bumaba siya sa kotse at pinagbuksan niya ng pinto si Cassy. Hindi pamilyar kay Cassy ang lugar, kaya naman napansin iyon ni Lance.

"This is Hills place. Nakapunta ka na ba dito?" tanong niya kay Cassy.

"Well, I've heard already about this place, but this is my first time to be here," sagot ni Cassy sa kanya at inaliw ang sarili sa mga liwanag na kanyang nakikita sa paligid.

"Okay, let's go inside. Marami ka pang makikitang maganda dito," nakangiting anyaya ni Lance.

Tumango naman sa kanya si Cassy at sabay na silang naglakad papasok sa loob ng hotel. Naglakad sila patungo sa reservation area at sinabing kakain sila. Matapos noon ay inakay na sila patungo sa area, kung saan naroon ang restaurant. Napili nila ang pwesto sa may labas kung saan nakikita nila ang maliwanag na tanawin. Nakita ni Lance, kung gaano kasaya si Cassy dahil nakikita niya ito sa mga ngiti nito. Naisip niya tuloy ngayon, na ang swerte niya kung si Cassy ang magiging girlfriend niya at mapapangasawa. Subalit hindi niya nakikita ang sarili niya na kasama ito sa hinaharap. Ang tanging nasa isip at puso niya ay walang iba kung ang babaeng walang kasiguraduhan kung makikita pa nga ba niya.

May lumapit sa kanilang crew at binigyan sila ng menu para mag order. Pareho silang nag order ng pagkain na gusto nila at matapos no'n ay umalis na rin ang crew.

"Ang ganda pala talaga dito eh no?" mayamaya ay narinig niyang sabi ni Cassy.

Lumingon ito sa kanya at napangiti.

"Oo nga, lalo na at maganda rin ang kasama ko," saad niya rin dito.

Napairap si Cassy sa sinabing iyon ni Lance at bahagyang natawa.

"Kahit kailan bolero ka talaga. Ilang beses ka na bang pumunta dito? Siguro iyong mga babaeng kasama mong pumupunta dito ay binobola mo palagi," mataray kunwaring sabi ni Cassy.

Si Lance naman ang natawa sa sinabing iyon ni Cassy.

"Wala pa akong dinalang babae dito, ikaw pa lang no. Isa pa, unang beses ko lang na nagpunta dito at sinubukan ko lang kung maganda ba. Well, ang masasabi ko ay talagang maganda, dahil nagustuhan ng magandang babaeng kasama ko ang lugar na ito," nakangiting matamis na sabi ni Lance dito.

"Tss! Umayos ka nga, kung ano-ano naman ang sinasabi mo," sa halip na sabi ni Cassy at napaismid kay Lance. Natawa lang si Lance sa ginawa nito at bahagyang napailing.

Kung sino man ang makakakita sa kanila ay talagang hahanga ang mga ito. Gwapo, matangkad at matipuno ang pangangatawan ni Lance, na talagang maraming maghahabol na mga babae. Samantalang si Cassy, Maganda na, matangkad at sexy pa, na talagang nakakapang akit tingnan. Kanina pa nga napapasulyap ang mga lalaking nasa restaurant din at kumakain. Masasabing napagka-perfect  na ng dalawa. Ngunit hindi nila alam ang tunay na kwento, sa likod nilang dalawa.

"Well, seryoso na tayo ah? Alam ko naman talagang napilitan ka lang na ayain ako o sa madaling salita ay si Tita lang talaga ang nagplano na mag-date tayo. Huwag kang mag alala, alam ko namang hindi mo ako type eh," prangkang sabi ni Cassy kay Lance.

Nawala naman ang ngiti ni Lance, matapos iyong sabihin ni Cassy. Naging tahimik ang paligid nila at umiwas na lang nang tingin si Cassy sa kanya.

"Huwag kang mag alala, hindi ko naman pinipilit sina Mommy na magpakasal saiyo. Ang kaso lang iyon ang gusto nila para sa ating dalawa. Kasi nga matagal na tayong magkakilala at may gusto ka sa akin noon. Ngunit alam ko naman na nagbabago din ang nararamdaman mo at wala ka nang gusto sa akin ngayon," muling sabi ni Cassy sa kanya.

Napabuntong-hininga na lang siya sa mga sinabi nito. Kilala niya rin ang magulang ni Cassy, kontrolado din nito ang buhay ng dalaga at noon pa ay ayaw ng mga ito na magka-nobyo si Cassy nang kung sino lang. Malapit siya sa magulang nito at walang tutol kung ligawan niya si Cassy, iyon ang sabi ng ama nito. Subalit, gaya nang sabi ni Cassy ay magbabago pa rin ang nararamdaman niya.

"Pasensya ka na, alam ko naman na medyo naiipit ka na. Sa totoo lang hindi naman nawala ang paghanga ko saiyo, may dahilan lang talaga kung bakit nagbago at hindi ko pa kayang sabihin iyon saiyo," saad ni Lance dito.

Malungkot na nakatingin sa kanya si Cassy, pareho nilang naiintindihan ang sarili. Ngunit pareho din silang naiipit sa sitwasyon nilang dalawa dahil sa kanilang magulang.

"Alam mo bang sinabi sa akin ni Mommy na akitin daw kita para pag may nangyari sa atin at mabuntis mo ako ay may dahilan na para tayo ang magkatuluyan. Nag away pa kami ni Mommy dahil doon sa sinabi niya at kapag hindi ko raw nagawa ang gusto niya ay ipapadala niya ako sa Amerika at doon na raw ako tumira. Tsk! Alam naman nilang ayaw ko doon, iyon pa talaga ang ibinanta nila sa akin," saad ni Cassy at napapailing na lang.

Hindi nagsalita si Lance at nakatingin lang kay Cassy. Alam niya ang tungkol doon dahil nai-kwento na iyon ni Cassy. Kaya napaisip tuloy siya sa kung ano ang tama niyang gagawin.

"Bakit hindi natin subukan," mayamaya ay sabi ni Lance.

Natigilan naman si Cassy sa sinabi nito.

"Hoy! Hindi kita aakitin ano ka ba," mahinang sigaw niya dito upang hindi marinig ng iba ang kanyang sinabi.

Natawa naman si Lance sa sinabi nito.

"I mean, subukan natin ang gusto nila. Subukan natin na baka may magbago sa nararamdaman natin at talagang tayo ang para sa isa't isa. Let's start it," sabi niya dito.

Muling natigilan si Cassy sa sinabing iyon ni Lance at hindi niya alam kung ano nga ba ang sasabihin dito. Mayamaya ay naramdaman ni Cassy na hinawakan ni Lance ang kamay niya. Doon lang siya natauhan sa nais nitong mangyari.

"S-Sigurado ka?"

Hindi agad nakasagot si Lance dahil sa totoo lang ay hindi rin siya siguro. Nalilito siya sa mga sinasabi niya at nadala sa pagdadaanan ni Cassy kapag hindi sila ang magkatuluyan.

'Tsk! Bahala na nga!' sambit niya sa sarili.

"Oo, sigurado ako. Pareho naman tayong walang sabit, kaya ngayon pa lang ay simulan na natin," nakangiting sabi ni Lance kay Cassy.

Napangiti naman si Cassy at mahigyna hinawakan ang kamay ni Lance na nakahawak sa kanya.