Chapter 70

Hindi mawala sa isip ni Phoebe ang kotse na nakita. Parang nagflashback sa kanya ang kotse na nakabangga sa kapatid. Ni hindi man lang ito huminto.

“Are you okay?” tanong ni Thomas habang nilolock ang pinto ng bahay pag-uwi nila.

“Ah oo. Medyo pagod lang.” sagot niya lamang dito.

“You go upstairs and rest. I’ll just send an email to my assistant.” Sabi ng binata sa kanya.

Nauna na nga siya umakyat at binabad ang katawan sa malamig na tubig sa bathtub. Nang matapos siya ay wala pa din si Thomas kaya madali siyang nag-email sa contact person niya noon na public attorney na nilapitan nong nabangga ang kapatid.

Nakatulog na siya sa pag-aantay sa binata. Medyo malalim na ang tulog niya nang muli siyang bumalik sa bakanteng silid ng safe house. Naririnig niya paulit-ulit ang boses ng lalaking nanamantala sa kanya at ang mga ginawa nito sa kanya.

“Please wag…tama na…” mahina niyang usal. Naramdaman niyang huminto ito sa ginagawa.

“Yara…Yara….wake up…” marahang tapik ni Thomas sa kanya.