Chapter 22

"A-ANO? Bakit hindi mo sinabi kaagad sa akin?" medyo may pagkainis kong tanong. Kumawala ako sa yakap niya, at hinarap niya.

"D-dahil baka patayin n-niyo siya agad."

"Sige...ganito na lang. Pumunta ka sa kusina. Nandoon sina Sebastian, at Sam. Huwag kang magpapahalata sa kanilang dalawa. Kumuha ka ng isang boteng may lamang tubig. Basta may tubig, iyong tubig na inumin ang kunin mo. Aakyat ako sa itaas kung nasaan si Vhon. Sumunod ka agad," utos ko kay Aira. Pinahiran naman niya ang luha niya, at tumango.

Tumayo ako, at kinuha ang backpack na nasa katabi ko. Hinintay ko muna si Aira na makapunta sa kusina bago ko tinungo ang hagdanan paakyat sa pangalawang palapag ng bahay. Napahinto naman ako sa gitna ng hagdan nang may maalala, hindi ko nga pala alam kung saan ang kwarto ni Vhon.

Napailing-iling na lang ako. Tumakbo ako sa itaas, at hinanap sa nga kwarto si Vhon. Bawat kwarto na makikita ko ay binubuksan ko iyon. Nakakalimang