Chapter 4

Janissa's POV

Naghihintayan kaming may magsalita, maski siya ramdam kong gusto niyang makipag usap sa akin kaso ang tipid kong magsalita, gusto ko rin naman makipag usap sa kaniya kaso naiilang ako, hindi ko maiwasan ang nararamdaman kong pagkailang sa kaniya.

Habang nagpapakiramdaman kami pareho naman kaming order ng order ng maiinom, nararamdaman ko na nga 'yong tama sa akin ng alak na iniinom ko.

"Congrats nga pala." Bati ko sa kaniya dahil naalala ko 'yong napanuod ko sa balita noon.

"Huh?"

"Nakita kita sa balita noong nakaraan."

"Ah yun ba."

"Congrats." Inulit ko muli siyang batiin. " Ang layo na ng narating mo." nag uumpisa na akong dumaldal, hindi ko alam saan ko kinukuha ang lakas ng loob kong magsalita at kumausap sa kaniya kasi naman parang umeepekto na 'yong alak a nainom ko, konti lang daw ang tam anito kaso naramihan ko ang inom. "Habang ako ganito parin, hamak parin."

"What do you mean?"

"Walang pagbabago, parang straight line lang na hindi gumagalaw, walang pagbabago sa buhay ko, ewan ko ba pero ayos na rin ito, kasi payapa naman ang buhay ko kahit papaano."

"Masaya ka naman ba?" bigla niyang tanong at hindi ko iyon masagot ng maayos.

Masaya nga ba ako ngayon?

Masaya nga ba ang buhay ko simula ng naghiwalay kami ni Theodore?

Masaya nga ba akong mag isa?

Hindi ko masagot, basta ang alam ko payapa ang buhay ko pero hindi ko alam kung masaya baa ko, 'yong totoong masaya.

Natawa na lang ako sa tanong niya kasi hindi ko masagot, hindi naman na siya nagtanong pang muli sa akin, halatang may tama na din siya ng ala ngayon dahil dumaldal na din kagaya ko.

"I have to go." Bigla siyang tumayo pero muntik ng matumba, halatang may tama na siya, kaya pa kaya niyang umuwi? Hindi ko naman alam ang bahay niya ihahatid ko sana pero pareho kaming may tama na ng alak sa katawan kaya imposible na rin na maihatid ko siya.

Hindi na niya ako nilingon pa at ako naman nakatingin lang sa likuran niya, pinipilit niyang maglakad ng deretso para lang hindi ipahalata na lasing siya, natatawa ako habang pinagmamasdan siya kasi naman hindi pa rin siya nagbabago, ganiyan na ganiyan siya kapag lasing ayaw na ayaw niyang pinagbibintangan siyang lasing dahil mukha siyang mahina sa inuman kapag ganun.

Sinisinok na ako, ito ang sign na nasobrahan ko sa alak.

Kumain pa ako ng kaunti bago ako nagpakita kay Martha, ang hirap magpigil ng antok kaya naman umalis na ako at bumalik sa kwarto ko, hindi ko kayang umuwi ng ganito, gusto kong umihi, gusto kong matulog, gusto kong? Teka? Bakit baliktad 'yong number ng kwarto ko, diba 406? Bakit baliktad 'yong 6?

Alam kong kwarto ko to kasi 406 kaso baliktad 'yong 6? Hays bahala na nandito na ako sa tapat ng pinto gusto ko na humiga kaya pumasok na ako, ang dali naman bumukas parang may tao na sa loob ah, kasi parang hindi ko ata nalock itong kwarto? Pero tanda ko nalock ko ito eh.

Hindi ko na maalala.

Basta binuksan ko na ang ilaw at sinara agad 'yong pinto, humiga na ako sa kama at nakaramdam ako ng antok. Kaso nga lang may yumakap sa akin habang nakapikit ako, hindi ko alam kung sino basta nakaramdam ako ng kamay na hinihimas ang aking tiyan pataas hanggang sa aking dibdib.

Gumalaw ako dahil umiiba ang pakiramdam ko, para akong ginaganahan sa paghimas sa dibdib ko, tumalikod ako pero may yumakap sa akin ng mahigpit at ngayon katawan na niya ang nakadikit sa aking likuran, ramdam na ramdam ko ang tigas ng kaniyang dibdib hanggang sa may bandang ibaba, at ang kamay niya mas lalong hinimas ang aking katawan.

Napapaungol ako dahil nakikiliti at nasasarapan ako sa bawat pagdampi ng kamay sa aking dibdib, nakapasok pa sa aking damit ang kamay niya.

Nanghihina ako, hindi ako makatanggi, pinaharap niya ako at bigla akong nakaramdam ng mabigat sa aking ibabaw, napamulat ako sandali at isang lalake ang nasa ibabaw ko, hinahalikan ako sa leeg ngunit hindi ko siya mamukhaan.

Pumayag ako sa bawat haplos ng kaniyang kamay sa aking katawan, matagal ko ng hindi nararanasan ang ganito, taon na ang lumipas kaya naman bumigay ako agad sa lalaking ito.

Sobrang sarap ng ginagawa niya sa akin, kaya maski ang damit ko mabilis na natanggal sa akin, tanging lampara lang kasi ang ilaw ngayon dito sa kwarto ko, kaya medyo malabo sa akin ang kaniyang mukha tapos dala na din ng alak hindi ko maimulat ng maayos ang aking mga mata, antok na antok ako na nag iinit dahil sa ipinapadama ng lalaking kasama ko sa kama ngayon.

Hindi lang isang beses ang may nangyari sa amin ngayon, parang nakatatlo kami sa isang gabi lang pero paputol putol iyon, ako na sabik na sabik sa ganito ay hindi makatanggi.

Ang sarap nga ng tulog ko ngayon dahil para akong napuyat, kasi 'yong huli na may nangyari sa amin ay madaling araw na.

Nakaramdam ako ng liwanag na nagmumula sa may bintana, may kaunting nakahawing kurtina kaya may pumasok na sinag ng araw dito at naitama sa aking mukha.

Napatingin ako sa orasan na nakasabit, alas dyes na ng umaga?

Ang tagal ng tulog ko at ramdam ko ang lamig ng kwartong ito, parang wala akong saplot na damit? Bigla akong napahinto, wala nga talaga akong saplot na damit at medyo masakit ang binti ko.

Hala!

Hindi panaginip 'yong kagabi?

Totoong nakipagtalik ako?

Napalingon ako sa katabi ko, may lalaking nakatalikod at ang sarap din ng tulog sa gilid ko, ang bilis ng tibok ng puso ko dahil ang akala ko kanina ay panaginip lahat ng nangyari sa akin, ang sarap sa pakiramdam pero yun pala totoo na.

Dahil sa alak binigay ko ang katawan ko sa isang lalake na hindi ko kilala? Hindi ko nga ba kilala ito? at teka? Hindi ko kwarto ito ah, iba ang pwesto ng kama at iba ang gamit, paano ako nakapasok dito?

Anong ginagawa ko dito?

Nanlumo ako ng mapagtanto ko ang lahat ng nangyari sa akin.

Para akong binuhusan ng mainit na tubig ngayon at pawis na pawis kahit na napakalamig ng aircon dito sa kwarto.

Nakatulala lang ako sa kawalan hanggang sa gumalaw itong katabi ko at humarap mismo sa akin habang nakapikit.

Mas lalo akong nagulat dahil sa nakita ko.

"Theodore?"

Hindi pa siya gising, ang sarap ng tulog niya. Hindi ako makapaniwala sa nakikita ko ngayon, ang dati kong asawa ang katabi kong matulog ngayon dito sa kwarto at hindi lang iyon, siya ang nakasiping ko ng ilang beses kagabi?

Napatakip ako ng bibig dahil gusto kong sumigaw kaso tulog pa itong katabi ko ngayon. Ayaw ko siyang gisingin dahil nahihiya ako.

Hindi ko alam ang sasabihin at magiging reaksyon kung sakaling makita niya ako na hubad sa tabi niya, alam kaya niya 'yong nangyari kagabi?

Alam kaya niyang ako 'yong kasiping niya?

Ang hirap ng hindi makapagsalita at makasigaw ngayon, ang hirap magpigil, gusto kong magwala ngayon kaso huli na, nangyari na ang dapat mangyari, wala na akong magagawa doon, siya lang ang lalaking nakagalaw sa akin at hanggang ngayon ba naman na kahit hiwalay kami?

Ang lupit mo rin talaga Theodore.

Napabuntong hininga na lamang ako habang iniisa isa ang mga damit ko na nagkalat sa may gilid ko, kailangan ko ng magbihis at umalis dito.

Nahihiya ako sa nangyari lalo pa at hindi ko naman kwarto ito, nagkamali ako ng napasukang kwarto.